ءماسىموۆتى قاماۋدا ۇستاۋ مەرزىمى جەلتوقسانعا دەيىن ۇزارتىلدى

3817
Adyrna.kz Telegram

ۇقك-ءنىڭ بۇرىنعى باسشىسى كارىم ءماسىموۆ پەن ۇلتتىق قاۋىپسىزدىك كوميتەتى توراعاسىنىڭ بۇرىنعى ورىنباسارى ءانۋار سادىقۇلوۆتى قاماۋدا ۇستاۋ مەرزىمى ۇزارتىلدى، دەپ حابارلايدى «ادىرنا» ءتىلشىسى.

«تەرگەۋ سوتى كارىم ءماسىموۆ پەن ءانۋار سادىقۇلوۆتىڭ قاماۋدا ۇستاۋ مەرزىمىن 2022 جىلدىڭ 13 جەلتوقسانىنا دەيىن، ال ەكىنشى بۇرىنعى ورىنباسارى مارات وسيپوۆتىڭ قاماۋدا ۇستاۋ مەرزىمىن 2022 جىلدىڭ 22 جەلتوقسانىنا دەيىن ۇزارتتى»،—دەپ ءتۇسىندىردى ۇقك ءباسپاسوز قىزمەتى.

جاسالعان ارەكەتتەردىڭ ءمان-جايىن ەسكەرە وتىرىپ، قىلمىستىق ءىس «وتە قۇپيا» ساناتىنا جاتقىزىلدى.

ەسكە سالا كەتەيىك، ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ماسىموۆكە قاتىستى وسى جىلدىڭ 6 قاڭتارىندا ۇقك قازاقستان رەسپۋبليكاسى قىلمىستىق كودەكسىنىڭ 175-بابى 1-بولىگىمەن مەملەكەتكە ساتقىندىق فاكتىسى بويىنشا سوتقا دەيىنگى تەرگەۋ باستالدى.

پىكىرلەر