قاراعاندى وبلىسى بۇقار جىراۋ اۋدانىنداعى ورتالىق اۋرۋحانا ديرەكتورى الاياقتىق ارەكەتى ءۇشىن 3,5 جىلعا باس بوستاندىعىنان ايىرىلدى، دەپ حابارلايدى “ادىرنا” ۇلتتىق پورتالى Sputnik.kz سايتىنا سىلتەمە جاساپ.
اۋرۋحانا ديرەكتورى دارىگەرلەردىڭ كوروناۆيرۋسپەن كۇرەس شارالارىنا اتسالىسىپ جاتقان مەديتسينا قىزمەتكەرلەرىنىڭ ۇستەمەاقىسىن الاياقتىق جولمەن تارتىپ الىپ وتىرعان دەگەن كۇدىككە ءىلىندى. سونداي-اق، ول جالپى سوماسى 2 223 185 تەڭگە اقشالاي قاراجاتتى يەمدەنگەن.
“مەكەمە باسشىسى د. نۇرماعانوۆانىڭ ءىسى بۇقار جىراۋ اۋداندىق سوتىندا قارالدى. ونىمەن بىرگە شارۋاشىلىق مەيىربيكەسى ە. بيكەنوۆا دا جاۋاپقا تارتىلدى.
بيكەنوۆا نۇرماعانوۆاعا كوۆيدتىك ۇستەمەاقىدان وزىنە اقشا اۋدارتۋ ءۇشىن 375 000 تەڭگە كولەمىندە پارا بەردى دەپ ايىپتالدى. سوت ۇكىمىمەن د. نۇرماعانوۆا ءومىربويى مەملەكەتتىك قىزمەتتەن الاستاتاتىلىپ، 3,5 جىلعا باس بوستاندىعىنان ايىرۋ جازاسىن تاعايىندادى”،- دەپ جازىلعان باسىلىمدا.
ال بيكەنوۆاعا 3 750 000 تەڭگە كولەمىندە ايىپپۇل تۇرىندە جازا تاعايىندالدى جانە ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلدى.
ۇكىم زاڭدى كۇشىنە ەنگەن جوق.
