پاريجدە ءوتىپ جاتقان وليمپيادا ويىندارىنا كەلگەن الماتى قالالىق سپورت باسقارماسىنىڭ باسشىسى ەردەن حايرۋللين كەنەتتەن قايتىس بولدى. بۇل اقپاراتتى قر تۋريزم جانە سپورت مينيسترىلىگى دە راستادى، دەپ حابارلايدى “ادىرنا” ۇلتتىق پورتالى.
«وكىنىشكە قاراي، پاريجدە الماتى قالالىق سپورت باسقارماسىنىڭ باسشىسى ەردەن حايرۋلليننەن ايىرىلىپ قالدىق. ونىڭ كەنەتتەن جۇرەگى توقتاپ، قايتىس بولدى»، - دەدى قر تۋريزم جانە سپورت ءمينيسترىنىڭ قوعاممەن بايلانىس جانە باق جونىندەگى كەڭەسشىسى دياس احمەتشارىپ Kazinform تىلشىسىنە بەرگەن جاۋابىندا.
ول پاريجگە تۋريست رەتىندە بارعان.
ايتا كەتسەك، ەردەن راشيدۇلى حايرۋللين 2009 جىلى ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن «اۆتوماتتاندىرۋ جانە باسقارۋ» ماماندىعى بويىنشا بىتىرگەن، 2011 جىلى ق. ساتباەۆ اتىنداعى قازاق ۇلتتىق تەحنيكالىق ۋنيۆەرسيتەتىن «ەكونوميكا» ماماندىعى بويىنشا تامامداعان جانە ازاماتتىق اۆياتسيا اكادەمياسىنىن اۆياتسيا تەحنيكاسى جانە تەحنولوگياسىنىڭ ماگيسترى دارەجەسىن العان.
2012-2019 جىلدارى المالى اۋدانى اكىمى اپپاراتىندا كاسىپكەرلىكتى جانە ونەركاسىپتى دامىتۋ ءبولىمىنىڭ باس مامانى، وسى ءبولىمنىڭ باسشىسى بولىپ قىزمەت اتقارعان.
2019-2022 جىلدارى الماتى قالاسى المالى اۋدانى اكىمىنىڭ ورىنباسارى بولىپ جۇمىس ىستەگەن.
2022 جىلدىڭ مامىرىندا الماتى قالاسى سپورت باسقارماسىنىڭ باسشىسى بولىپ ەردەن راشيدۇلى حايرۋللين تاعايىندالعان
