وزبەكستان پرەزيدەنتى شاۆكات ميرزيەەۆ ەكواكتيۆيستەردىڭ تاشكەنتتە ايىنا ءبىر رەت "كولىكسىز ءبىر كۇن" جوباسىن وتكىزۋ تۋرالى ۇسىنىسىن قولدادى، دەپ حابارلايدى “ادىرنا” ۇلتتىق پورتالى fergana.news سايتىنا سىلتەمە جاساپ.
كولىكتەردىڭ قوزعالىسىن شەكتەۋ قالاداعى اۋا ساپاسىن جاقسارتادى دەپ نيەتپەن قولداۋ تاپپاق. باستاما "وزبەكستان-2030 "ستراتەگياسىن ىسكە اسىرۋ جونىندەگى" جاستار مەن بيزنەستى قولداۋ جىلى "مەملەكەتتىك باعدارلاماسى تۋرالى" جارلىقتىڭ 27-تارماعىمەن بەكىتىلدى، وعان رەسپۋبليكا باسشىسى 21 اقپاندا قول قويدى.
تاشكەنت كوشەلەرىندەگى اۆتوموبيلدەر سانىن شەكتەۋ جوباسى قوعامدىق كولىكتەرگە، سونداي-اق ارنايى جانە شۇعىل قىزمەتتەردىڭ ماشينالارىنا اسەر ەتپەيتىنى ناقتىلاندى.
مۇنداي ءىس-شارالاردى ءار ايدا ءبىر جۇمىس كۇنى ىشىندە ۇيىمداستىرۋ تۋرالى شەشىم قابىلداندى. بۇل رەتتە رەسپۋبليكالىق جانە جەرگىلىكتى بيلىك ورگاندارىنىڭ شەنەۋنىكتەرى جۇمىس ورنىنا قوعامدىق كولىكپەن كەلۋ ارقىلى حالىققا ۇلگى كورسەتۋگە ءتيىس ەكەنى ايتىلدى.
“ادىرنا” ۇلتتىق پورتالى
