UzAuto Motors باس ديرەكتورى بۋ ينگە اندەرسسون قىزمەتىنەن كەتتى، دەپ حابارلايدى "ادىرنا" ۇلتتىق پورتالى.
بۋ ينگە اندەرسسون UzAuto Motors جانە Uzاuto Motors Powertrain كومپانيالارىنىڭ باس ديرەكتورى قىزمەتىن اتقاردى.
ونىڭ قىزمەتتەن كەتۋىنىڭ سەبەبى جاريالانعان جوق.
وعان ارنالعان سالتاناتتى شارا بارىسىندا شۆەد مامانىنىڭ وزبەكستانداعى اۆتوموبيل ونەركاسىبىن دامىتۋعا قوسقان ۇلەسى ەرەكشە اتالىپ ءوتتى. اندەرسسوننىڭ باسشىلىعىمەن كومپانيا بىرقاتار جەتىستىكتەرگە قول جەتكىزگەن. ول باسشىلىق ەتكەندە 2023 جىلى 395,4 مىڭ اۆتوموبيل شىعارىلىپ، بۇل كورسەتكىش 2022 جىلمەن سالىستىرعاندا 20%-عا ءوستى. 2024 جىلى دا ءوندىرىس كولەمى جوعارى بولادى دەپ كۇتىلۋدە.
سونداي-اق، Chevrolet Tracker جانە Chevrolet Onix مودەلدەرى جاپپاي وندىرىسكە شىعارىلدى. كومپانيا تمد مەن ورتالىق ازيادا جەڭىل اۆتوموبيلدەر ءوندىرۋ بويىنشا كوشباسشى اتاندى. وزبەكستان Chevrolet ءۇشىن الەم بويىنشا ەكىنشى ماڭىزدى نارىق بولدى. وندىرىستەگى جەرگىلىكتى قۇرامنىڭ ۇلەسى 50%-دان استى.
بۋ ينگە اندەرسسون 2021 جىلدىڭ تامىزىندا UzAuto Motors باس ديرەكتورى بولىپ تاعايىندالعان. بۇعان دەيىن ول 2017 جىلدان باستاپ جاپوندىق Yazaki كومپانياسىنىڭ ەۋروپالىق بولىمشەسىن باسقارعان، ال 2009-2013 جىلدارى «گاز توبى» پرەزيدەنتى قىزمەتىن اتقارعان.
