"ارسەلورميتتال تەمىرتاۋ" كومپانياسىن باسقا مەنشىك يەسىنە بەرۋ تۋرالى قاۋەسەتتەرگە قاراعاندى وبلىسى اكىمىنىڭ ءبىرىنشى ورىنباسارى ۆاديم باسين تۇسىنىكتەمە بەردى، دەپ حابارلايدى “ادىرنا” ۇلتتىق پورتالى Sputnik.kz باسىلىمنا سىلتەمە جاساپ.
اقپارات بويىنشا، كومپانيانىڭ وزگە مەنشىك يەلەرىنىڭ ءبىرى – رەسەيلىك "سەۆەرستال" كومپانياسى. "قازاقستان" كەنىشىندەگى ءورت تۋرالى وتكەن بريفينگتە باسيننەن وسى تۋرالى سۇراعان. ال ۆاديم باسين بۇل سۇراققا ساسقالاقتاپ، جالتارا جاۋاپ بەردى.
كوپتەگەن قاۋەسەت-اڭگىمەلەر تاراپ جاتىر. ولار اپتا سايىن وزگەرىپ وتىرادى. قازىرگى ۋاقىتتا كومپانيا جۇمىسىن جالعاستىرۋدا. كومپانيانىڭ تەحنيكالىق-ەكونوميكالىق جاعدايىندا كوپتەگەن ماسەلەلەر بار. بىراق قالعانىنىڭ ءبارى كومپانيانىڭ قالاي جۇمىس ىستەيتىنىنە، قانداي شەشىمدەر قابىلداناتىنىنا بايلانىستى بولادى. مەنىڭ ويىمشا، كۇتۋىمىز كەرەك، - دەدى ۆاديم باسين.
ەسكە سالايىق، "قازاقستان" شاحتاسىندا 17 تامىزدا D6 كومىر باۋرايىندا گوريزونت – 170 مەتر)كونۆەيەر لەنتاسى ورتەنگەن بولاتىن. 227 كەنشىنىڭ 222-ءسى ەۆاكۋاتسيالاندى. 13 كەنشى زارداپ شەكتى، بەسەۋى قازا تاپتى.
قازاقستاننىڭ توتەنشە جاعدايلار ءمينيسترى سىرىم ءشارىپحانوۆ بريفينگتە ءورت 100 % جۇمىس بەرۋشىنىڭ كىناسىنەن بولعانىن مالىمدەگەن بولاتىن. ارنايى قۇرىلعان ۇكىمەتتىك كوميسسيا بىرقاتار ساراپتاما جۇرگىزگەننەن كەيىن وسىنداي شەشىمگە كەلدى.
