الماتىدا قايتىس بولعان مارافونشى «سامرۋك ەنەرگو» ديرەكتورى بولىپ شىقتى. بۇل تۋرالى «سامۇرىق-قازىنا» قورى بۇگىن مارافوندا قازا تاپقان جەلاياقتىڭ «سامرۋك ەنەرگو» جانە «QazaqGaz» كومپانيالارىنىڭ تاۋەلسىز ديرەكتورى رۇستەم سادىقوۆ ەكەنىن راستادى.
«رۇستەم عالىمۇلى تابىستى مانساپ جولىنان ءوتتى، جوعارى ءبىلىمدى تاماشا مامان بولدى، حالىقارالىق كومپانيالاردا تاجىريبەسى بار. ول ارىپتەستەرىنىڭ ەسىندە سەنىمدى باسشى جانە ءوز ىسىنە ادال قىزمەتكەر رەتىندە ماڭگى ساقتالادى. ول كىسىنىڭ ورنى ءبىز ءۇشىن ەرەكشە» دەلىنگەن قور حابارلاماسىندا.
ايتا كەتەيىك، سادىقوۆ بۇگىن الماتى مارافونىنا قاتىسقان بولاتىن. ول 10 شاقىرىمعا جۇگىرىپ، مارە سىزىعىن باعىندىرعاننان كەيىن بىردەن جەرگە قۇلاپ، قايتىس بولدى. سادىقوۆ نەبارى 47 جاستا ەدى.
