پرەزيدەنت قاسىم-جومارت توقاەۆ اسلامبەك مەرعاليەۆتى جوعارعى سوت توراعاسى قىزمەتىنە قايتا تاعايىندادى. بۇل تۋرالى بۇگىن، 8 شىلدەدە اقوردانىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«مەملەكەت باسشىسىنىڭ جارلىعىمەن اسلامبەك امانگەلدىۇلى مەرعاليەۆ قازاقستان رەسپۋبليكاسى جوعارعى سوتىنىڭ توراعاسى لاۋازىمىنا تاعايىندالدى»،–دەلىنگەن حابارلامادا.
ول بۇل قىزمەتكە 2022 جىلدىڭ جەلتوقسانىندا كەلگەن ەدى.
ايتا كەتەيىك، بۇعان دەيىن جاڭا كونستيتۋتسيا كۇشىنە ەنگەننەن كەيىن ەكى اي ىشىندە التى لاۋازىمدى تۇلعا تاعايىندالۋى ءتيىس ەكەنى ايتىلعان ەدى. ولار: ۇلتتىق قاۋىپسىزدىك كوميتەتىنىڭ توراعاسى، باس پروكۋرور، ۇلتتىق بانك باسشىسى، جوعارعى سوت توراعاسى، ادام قۇقىقتارى جونىندەگى ۋاكىل، جوعارى سوت كەڭەسىنىڭ توراعاسى.
ۇقساس جاڭالىقتار
