«Samūryq-Qazyna» basqarma töraǧasy Nūrlan Jaqypov pen «QTJ» basşysy Eljas Otynşiev ūstaldy. Aqparatty Ūlttyq qauıpsızdık komitetınıŋ Sybailas jemqorlyqqa qarsy ıs-qimyl qyzmetı rastady, dep habarlaidy «Adyrna» tılşısı.
Olar jemqorlyq jasady degen küdıkke ılıngen.
Qazırgı uaqytta ıs boiynşa barlyq män-jaidy anyqtauǧa baǧyttalǧan tergeu amaldary jürgızılıp jatyr.
«Qylmystyq-prosestık kodekstıŋ 201-babyna säikes, sotqa deiıngı tergep-tekseru barysy turaly özge aqparat jariia etuge jatpaidy»,– delıngen habarlamada.
Aita keteiık, «Samūryq-Qazyna» – Qazaqstannyŋ ırı strategiialyq käsıporyndaryn basqaru jäne olardyŋ tiımdılıgın arttyru maqsatynda qūrylǧan memlekettık äl-auqat qory. Qordyŋ qūramyna mūnai-gaz, kölık, energetika jäne telekommunikasiia salalaryndaǧy ırı kompaniialar kıredı. Olardyŋ qatarynda «QazMūnaiGaz», «Qazaqstan temır joly», «Qazatomönerkäsıp», «Air Astana», «Qazaqtelekom» jäne KEGOC bar.
Nūrlan Jaqypov 2023 jyldyŋ säuır aiynda «Samūryq-Qazyna» qorynyŋ basqarma töraǧasy bolyp taǧaiyndalǧan.
Al Eljas Otynşievtıŋ atalǧan qyzmette nebärı 4 ai ǧana jūmys ıstegen. Ol biyl 20 şıldede «Qazaqstan temır joly» ūlttyq kompaniiasynyŋ töraǧasy bolyp taǧaiyndalǧan.
