دەنساۋلىق ساقتاۋ مينيسترلىگى شەتەلگە شىعۋدى جوسپارلاپ وتىرعان قازاقستاندىقتارعا حانتاۆيرۋس ينفەكتسياسىنا قارسى ساقتىق شارالارىن ەسكە سالدى، دەپ حابارلايدى "ادىرنا".
مينيسترلىك شەتەلگە شىعۋدى جوسپارلاپ وتىرعان قازاقستاندىقتارعا مىناداي ساقتىق شارالارىن ۇستانۋعا كەڭەس بەرىپ وتىر:
- شەتەلگە شىققان جاعدايدا كەمىرگىشتەردەن جانە ولاردىڭ بولىندىلەرىنەن ء(زار، ءناجىس، سىلەكەي) اۋلاق بولۋ، كەمىرگىشتەر مەكەن ەتەتىن ورىندارعا بارماۋ;
- كەمىرگىشتەرمەن لاستانۋى مۇمكىن ازىق-تۇلىك پەن سۋدى پايدالانباۋ، ستيحيالىق جانە كوشەدەگى ساۋدا ورىندارىندا تاماقتانۋدان باس تارتۋ;
- ازىق-تۇلىكتى تىعىز جابىلاتىن ىدىستاردا ساقتاۋ;
- جابىق ءۇي-جايلاردا بولعان كەزدە بولمەنى الدىن الا جەلدەتۋ جانە دەزينفەكتسيالىق قۇرالداردى پايدالانا وتىرىپ بولمەنى تازالاۋ;
- ءۇي-جايلاردى تازالاۋ كەزىندە جەكە قورعانىش قۇرالدارىن (قولعاپ، ماسكا) پايدالانۋ;
- ادامدار كوپ جينالاتىن ورىندارعا بارعان كەزدە جەكە پروفيلاكتيكالىق شارالاردى (اراقاشىقتىقتى ساقتاۋ، ماسكا، دەزينفەكتسيالىق قۇرالدار) قولدانۋ، قول جانە تىنىس الۋ مۇشەلەرىنىڭ گيگيەناسىن ساقتاۋ;
- ساپاردان ورالعاننان كەيىن 1–8 اپتا ىشىندە السىزدىك، جوعارى تەمپەراتۋرا، ايقىن السىزدىك، بۇلشىقەتتىڭ اۋىرۋى، جوتەل نەمەسە ەنتىگۋ بەلگىلەرى پايدا بولسا، شەتەلدە بولعانىڭىز تۋرالى مىندەتتى تۇردە حابارلاي وتىرىپ، شۇعىل تۇردە جاقىن ماڭداعى مەديتسينالىق ۇيىمعا جۇگىنۋ قاجەت.
ايتا كەتەيىك، حانتاۆيرۋستىق ينفەكتسيا — كەمىرگىشتەردەن نەمەسە ولاردىڭ بولىندىلەرىنەن ء(زار، ءناجىس، سىلەكەي) ادامعا جۇعاتىن قاۋىپتى ۆيرۋستىق اۋرۋ. ۆيرۋس ادام اعزاسىنا شاڭ، تاماق، سۋ ارقىلى نەمەسە كەمىرگىش تىستەگەن جاعدايدا جۇعۋى مۇمكىن.
ۇقساس جاڭالىقتار
