باستى بەت
جاڭالىقتار
تاعى دا Alphard... قازاۆتوجول قىزمەتكەرى قازا تاپتى

تاعى دا Alphard... قازاۆتوجول قىزمەتكەرى قازا تاپتى

13.02.2024

2861

https://adyrna.kz/content/uploads/2024/02/44775abd-6719-4748-bafb-6530e9b23fe8.jpeg

10 اقپاندا سامارا-شىمكەنت اۆتوجولىنىڭ 1285-شاقىرىمىندا قايعىلى وقيعا ورىن الدى، دەپ حابارلايدى “ادىرنا” ۇلتتىق پورتالى.
وقيعا سالدارىنان قىزمەتتىك مىندەتىن ورىنداۋ بارىسىندا قازاۆتوجول قىزىلوردا وبلىستىق فيليالىنىڭ باس مامانى ساقتاپبەرگەن باقىتجانۇلى سىدىقوۆ قايتىس بولدى.

«سامارا-شىمكەنت» اۆتوجولىندا ارال اۋدانى، سازدى اۋىلى ماڭىندا قاتتى جىلدامدىقپەن كەلە جاتقان Toyota Alphard كولىگى جول بويىندا توقتاپ تۇرعان كولىككە سوقتىعىسقان، سول ۋاقىتتا اۆتوكولىك ىشىندە كومپانيا قىزمەتكەرى جۇمىس ىستەپ وتىرعان.

قىزمەتكەر وقيعا ورنىندا جان تاپسىرعان.

ساقتاپبەرگەن سىدىقوۆ 6 جىلدان استام ۋاقىت قازاۆتوجول قىزىلوردا وبلىستىق فيليالىنىڭ باس مامانى بولىپ جۇمىس ىستەگەن. مارقۇمنىڭ ارتىندا ءتورت بالاسى مەن جارى قالدى.

“قازاۆتوجول” ۇك” اق مارقۇمنىڭ وتباسىنا كومپانيا تاراپىنان كومەك پەن بارلىق قاجەتتى قارجىلىق قولداۋ كورسەتەتىنىن جەتكىزدى.
“ادىرنا” ۇلتتىق پورتالى

ۇقساس جاڭالىقتار