تۇركياداعى مەتاللۋرگيا زاۋىتىندا بولعان جارىلىستان التى ادام قازا تاۋىپ، تاعى 15 ادام زارداپ شەكتى. بۇل تۋرالى Star گازەتى جازدى، دەپ حابارلايدى «ادىرنا» ءتىلشىسى.
9 قاراشادا ەلدىڭ باتىسىنداعى يزمير پروۆينتسياسىندا ورنالاسقان مەتاللۋرگيا كاسىپورنىندا جارىلىس بولعان. بۇعان دەيىن پروۆينتسيا اكىمشىلىگى وقيعا سالدارىنان ءۇش ادام قازا تاۋىپ، 14 ادام جاراقات العانىن حابارلاعان ەدى. سونىمەن قاتار 10 ادام ءىز-ءتۇزسىز جوعالعاندار قاتارىندا بولعان.
ء«ۇش ازاماتىمىز قازا تاۋىپ، 14 ادام جاراقات الدى. ولاردىڭ ۇشەۋىنىڭ جاعدايى اۋىر. ءۇيىندى استىندا قالعان 10 ازاماتتى قۇتقارۋ جۇمىستارى ۇزدىكسىز جۇرگىزىلىپ جاتىر»، – دەدى يزمير گۋبەرناتورلىعى.
Star گازەتىنىڭ مالىمەتىنشە، كەيىن قازا تاپقاندار سانى التى ادامعا دەيىن وسكەن.
«وكىنىشكە قاراي، قازا تاپقاندار سانى التىعا جەتتى»، – دەپ ايماقتىق بيلىك وكىلىنىڭ ءسوزىن كەلتىردى باسىلىم.
قازىرگى تاڭدا وقيعا ورنىندا توتەنشە جاعدايلار قىزمەتىنىڭ ماماندارى جۇمىس ىستەپ جاتىر. شىعىن ىقتيمالدىعى دا جوعارى.
