قاسىم-جومارت توقاەۆتىڭ تۇركيا رەسپۋبليكاسىنا مەملەكەتتىك ساپارى تۇركيانىڭ نەگىزىن قالاۋشى ءارى تۇڭعىش پرەزيدەنتى مۇستافا كەمال اتاتۇرىكتىڭ رۋحىنا تاعزىم ەتۋدەن باستالدى. بۇل تۋرالى اقوردانىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
انىتقابىر كەسەنەسىن ارالاپ كورگەن مەملەكەت باسشىسى قۇرمەتتى قوناقتار كىتابىنا قولتاڭبا قالدىردى. وندا قاسىم-جومارت توقاەۆ تامىرلاس تۇرىك جۇرتىنا زور قۇرمەتىن ءبىلدىرىپ، قازاقستان مەن تۇركيا اراسىنداعى دوستىقتىڭ ماڭگى بولۋىن، ەكى ەل ىنتىماقتاستىعىنىڭ ارتا بەرۋىن جانە باۋىرلاس تۇرىك حالقىنا باق-بەرەكە تىلەدى.
گۇل شوعىن قويۋ سالتاناتتى راسىمىنە قازاقستاننىڭ رەسمي دەلەگاتسياسىنىڭ مۇشەلەرى دە قاتىستى.
“ادىرنا” ۇلتتىق پورتالى
