انكارادا رەسەيدىڭ 34 ازاماتى ۇستالدى. ولارعا مورالدىق نورمالار مەن قوعامدىق ءتارتىپتى بۇزدى دەگەن ايىپ تاعىلىپ وتىر. بۇل تۋرالى رەسەيدىڭ تۇركياداعى ەلشىلىگى «ريا نوۆوستي» اگەنتتىگىنە ايتتى، دەپ حابارلايدى «ادىرنا» ءتىلشىسى.
ديپلوماتيالىق وكىلدىكتىڭ مالىمەتىنشە، ولار 23 قازاندا «ماكسيم»، «حاۆانا» جانە «فوليبەرجەر» تۇنگى كلۋبتارىندا جۇرگىزىلگەن پوليتسيا رەيدتەرى كەزىندە ۇستالعان. رەسەيلىك ايەلدەر «اكيۋرت» دەپورتاتسيالىق ورتالىعىنا جەتكىزىلگەن. قازىرگى ۋاقىتتا ولارمەن تۇركيالىق ادۆوكات جۇمىس ىستەپ جاتىر.
ايەلدەردىڭ ۇيالى تەلەفوندارى تاركىلەنگەن. الايدا ولارعا تۋىستارىمەن ستاتسيونارلىق تەلەفون ارقىلى بايلانىسۋعا رۇقسات بەرىلگەن.
رەسەي ەلشىلىگى ۇستالعان ازاماتتارعا كونسۋلدىق وكىلدەردىڭ قول جەتكىزۋىن قامتاماسىز ەتۋ، سونداي-اق ولاردىڭ ۇستالۋ سەبەپتەرى مەن قاماۋداعى جاعدايلارىن انىقتاۋ ءۇشىن قاجەتتى شارالار قابىلداعانىن مالىمدەدى.
