الماتىداعى ءال-فارابي اتىنداعى قازاق ۇلتتىق ۋنيۆەرسيتەتىنىڭ ستۋدەنتتىك قالاشىعىندا جۋرناليستيكا فاكۋلتەتىنىڭ ءبىرىنشى كۋرس ستۋدەنتى قايتىس بولدى، دەپ حابارلايدى “ادىرنا”.
باق دەرەگىنشە، قايعىلى وقيعا 6 قاراشا كۇنى كەشكى ۋاقىتتا بولعان. شىمكەنتتەن الماتىعا ءبىلىم الۋعا كەلگەن قىزدىڭ ولىمىنە قاتىستى ءمان-جاي ازىرگە بەلگىسىز.
وقيعادان كەيىن ستۋدەنتتىك قالاشىققا پوليتسيا قىزمەتكەرلەرى مەن ۋنيۆەرسيتەت وكىلدەرى بارعان. بەيرەسمي دەرەككوزدىڭ ايتۋىنشا، سول ءتۇنى جاتاقحانادا تۇراتىن ستۋدەنتتەرگە بولمەلەرىنەن جانە بالكونعا شىعۋعا تىيىم سالىنعان.
ستۋدەنتتەر اراسىندا قىزدىڭ ءوز-وزىنە قول جۇمساعانى تۋرالى بولجام تاراعان. الايدا بۇل اقپارات ازىرگە رەسمي تۇردە راستالعان جوق. سونداي-اق دەرەككوز ستۋدەنتتەردەن وقيعا تۋرالى حابارلامالاردى ورتاق چاتتاردان ءوشىرۋ سۇرالعانىن مالىمدەگەن.
رەسمي اقپارات تارامادى.
