تۇركيالىق مەنەدجەر الپ ەر تۋنگا ەرسوي الماتى اۋەجايىنىڭ پرەزيدەنتى قىزمەتىنەن كەتەدى، دەپ حابارلايدى “ادىرنا” ۇلتتىق پورتالى اۋەجايدىڭ ءباسپاسوز قىزمەتىنە سىلتەپ.
«جوسپارعا سايكەس، الپ ەر تۋنگا ەرسوي اۋەجايدىڭ جاڭا حالىقارالىق تەرمينالىنىڭ قۇرىلىسى اياقتالعان سوڭ الماتى حالىقارالىق اۋەجايىنىڭ پرەزيدەنتى قىزمەتىنەن كەتەدى»، - دەلىندى رەسمي جاۋاپتا.
ونىڭ اۆياتسيالىق مانسابىن جاڭا رولدە جالعاستىراتىنى كورسەتىلگەن. باسشىلىقتىڭ اۋىسۋى تۋرالى رەسمي مالىمدەمە بۇگىن ياعني، 5 ماۋسىمدا كۇتىلۋدە.
تۇرىك مەنەدجەرى وڭتۇستىك استانانىڭ اۋە ايلاعىن 2021 جىلدىڭ قىركۇيەگىنەن باستاپ باسقاردى.
