جامبىل وبلىسىنىڭ بۋرىل اۋىلىندا تۇرعىندار اراسىنداعى جانجال اتىسقا ۇلاستى. وقيعا سالدارىنان ءتورت ادام زارداپ شەگىپ، ەكەۋى اۋرۋحاناعا جاتقىزىلدى، دەپ حابارلايدى «ادىرنا» كتك ارناسىنا سىلتەمە جاساپ.
كۋاگەرلەردىڭ ايتۋىنشا، جانجال اقشاعا بايلانىستى تۋىنداعان. الدىن الا مالىمەت بويىنشا، اۋىل تۇرعىندارىنىڭ ءبىرى ۇيالى تەلەفون ساتىپ، الايدا اقشاسىن الا الماعان. كەيىن ساتۋشى قارىزىن قايتارۋدى تالاپ ەتۋ ءۇشىن تاعى ءۇش اداممەن بىرگە ساتىپ الۋشىنىڭ ۇيىنە بارعان. وسى كەزدە ولارعا وق اتىلعان.
دارىگەرلەر ءتورت ادامدى تەكسەرگەننەن كەيىن ەكەۋىن ۇيىنە جىبەرسە، قالعان ەكەۋىن اۋرۋحاناعا جاتقىزعان. وق اتقان كۇدىكتىلەر ۇستالىپ، ۋاقىتشا ۇستاۋ يزولياتورىنا قامالدى.
وبلىستىق پوليتسيا دەپارتامەنتى باستىعىنىڭ ورىنباسارى بايجان بايگەلدىنىڭ مالىمەتىنشە، اتالعان دەرەك بويىنشا قىلمىستىق ءىس قوزعالعان. قازىرگى ۋاقىتتا وقيعانىڭ ءمان-جايى انىقتالىپ جاتىر.
