ترامپتىڭ ءپۋتيندى «دوسىم» دەۋى اقش سەناتىنىڭ سىنىنا ۇشىرادى

140
Adyrna.kz Telegram
https://adyrna.kz/storage/uploads/GGkxoUy78Sa3xtP6yGdLc52rODk9l1h3uD5Apmi8.jpg

فوتو: ار

اقش سەناتىنىڭ حالىقارالىق قاتىناستار كوميتەتىندەگى دەموكراتيالىق پارتيا وكىلى، سەناتور دجين شاحين پرەزيدەنت دونالد ترامپتىڭ رەسەي باسشىسى ۆلاديمير ءپۋتيندى «دوسىم» دەپ اتاعانىنا بايلانىستى ونى سىنعا الدى. ونىڭ مالىمدەمەسى سەناتتىڭ حالىقارالىق قاتىناستار كوميتەتىندەگى دەموكراتتاردىڭ X الەۋمەتتىك جەلىسىندەگى رەسمي پاراقشاسىندا جاريالاندى، دەپ حابارلايدى “ادىرنا”.

بۇعان 19 قاراشادا قىتايدىڭ شەنچجەن قالاسىندا وتكەن ەكى ەل باسشىلارىنىڭ كەزدەسۋى سەبەپ بولعان. كەلىسسوز باستالار الدىندا دونالد ترامپ ۆلاديمير پۋتينمەن قول الىسىپ امانداسىپ، جينالعاندارعا ونى: «بۇل كىم؟ ول – مەنىڭ دوسىم»، – دەپ تانىستىرعان.

وسى سوزگە پىكىر بىلدىرگەن دجين شاحين ۆلاديمير ءپۋتيننىڭ اقش-تىڭ دوسى بولۋدان الىس ەكەنىن ايتتى.

«اقش پرەزيدەنتىنىڭ كەرىسىنشە مالىمدەمەسى تاڭعالارلىق قانا ەمەس، سونىمەن قاتار امەريكالىق قۇندىلىقتارعا مۇلدە قايشى ارەكەت»، – دەدى سەناتور.

بۇعان دەيىن دونالد ترامپ ازيا ەلدەرىنە جاساعان ساپارىنىڭ قورىتىندىسىن بايانداپ، ۆلاديمير پۋتينمەن جانە قىتاي توراعاسى سي تسزينپينمەن قارىم-قاتىناسىنا توقتالعان بولاتىن.

«پۋتينمەن دە قارىم-قاتىناسىم وتە جاقسى. بۇل – جاقسى نارسە. سي تسزينپينمەن دە ارامىزدا تاماشا بايلانىس بار. مۇنىڭ دا پايداسى زور. قازىر ەلىمىزدىڭ قاۋىپسىزدىگىن قامتاماسىز ەتىپ وتىرعانىمىز وسىنىڭ ارقاسى»، – دەدى اقش پرەزيدەنتى.

پىكىرلەر