ەرمەك كوشەرباەۆ قازاقستاننىڭ اۋسترياداعى توتەنشە جانە وكىلەتتى ەلشىسى، ۆەناداعى حالىقارالىق ۇيىمدار جانىنداعى قازاقستاننىڭ تۇراقتى وكىلى بولىپ تاعايىندالدى، دەپ حابارلايدى “ادىرنا”.
بۇل تۋرالى اقوردا حابارلادى.
مەملەكەت باسشىسى ءتيىستى جارلىققا قول قويدى.
ەرمەك كوشەرباەۆ كيروۆ اتىنداعى قازاق مەملەكەتتىك ۋنيۆەرسيتەتىن جانە كسرو سىرتقى ىستەر مينيسترلىگىنىڭ ديپلوماتيالىق اكادەمياسىن بىتىرگەن. ەڭبەك جولىن قازاق كسر سىرتقى ىستەر مينيسترلىگىندە باستاعان. ءار جىلدارى قازاقستان سىرتقى ىستەر مينيسترلىگى جۇيەسىندە، شۆەيتسارياداعى ەلشىلىكتە، پرەزيدەنت اكىمشىلىگىندە جانە ۇكىمەت قۇرىلىمدارىندا قىزمەت اتقارعان.
سونداي-اق ول «قازترانسويل»، «قازمۇنايگاز» كومپانيالارىندا، «اتامەكەن» وداعىندا جانە KazEnergy قاۋىمداستىعىندا ءتۇرلى لاۋازىمداردى يەلەنگەن. كەيىن شىعىس قازاقستان وبلىسى اكىمىنىڭ ورىنباسارى، اۋىل شارۋاشىلىعى ۆيتسە-ءمينيسترى جانە اۋىل شارۋاشىلىعى مينيسترلىگىنىڭ جاۋاپتى حاتشىسى بولدى.
ديپلوماتيالىق قىزمەتكە قايتا ورالعاننان كەيىن سىرتقى ىستەر مينيسترلىگىندە جاۋاپتى حاتشى جانە ءمينيستردىڭ ورىنباسارى قىزمەتتەرىن اتقاردى. 2020 جىلعى قاڭتاردا قازاقستاننىڭ رەسەيدەگى ەلشىسى بولىپ تاعايىندالدى.
2023 جىلعى 16 ماۋسىمدا ەرمەك كوشەرباەۆ شىعىس قازاقستان وبلىسىنىڭ اكىمى بولدى. 2025 جىلعى 14 اقپاندا پرەمەر-ءمينيستردىڭ ورىنباسارى قىزمەتىنە تاعايىندالدى. سول جىلعى 26 قىركۇيەكتە قازاقستاننىڭ سىرتقى ىستەر ءمينيسترى بولىپ تاعايىندالدى.
2026 جىلعى قىركۇيەكتە ۇكىمەتتىڭ وتستاۆكاعا كەتۋىنەن كەيىن سىرتقى ىستەر ءمينيسترى قىزمەتىنە مۇحتار تىلەۋبەردى تاعايىندالدى.
ايتا كەتەيىك، مۇحتار تىلەۋبەردى ەرمەك كوشەرباەۆتىڭ ورنىنا تاعايىندالعانعا دەيىن ءۇش جىل بويى قازاقستاننىڭ اۋسترياداعى توتەنشە جانە وكىلەتتى ەلشىسى ءارى ۆەناداعى حالىقارالىق ۇيىمدار جانىنداعى قازاقستاننىڭ تۇراقتى وكىلى قىزمەتىن اتقارعان.
