اباي وبلىسىندا قالىڭ ورتكە وراي توتەنشە جاعداي جاريالانعان كەزدە جاڭا توتەنشە جاعداي ءمينيسترى بولىپ سىرىم دۇيسەنعازىۇلى ءشارىپحانوۆ تاعايىندالدى، دەپ حابارلايدى "ادىرنا" ۇلتتىق پورتالى.
مەملەكەت باسشىسىنىڭ جارلىعىمەن سىرىم دۇيسەنعازىۇلى ءشارىپحانوۆ قازاقستان رەسپۋبليكاسىنىڭ توتەنشە جاعدايلار ءمينيسترى لاۋازىمىنا تاعايىندالدى.
سىرىم دۇيسەنعازىۇلى ءشارىپحانوۆ 1967 جىلى 1 مامىردا الماتى قالاسىندا دۇنيەگە كەلگەن.
1991 جىلى قازان قالاسىنداعى م.چيستياكوۆ اتىنداعى زىمىران اسكەرلەرىنىڭ جوعارى اسكەري كوماندالىق-ينجەنەرلىك ۋچيليششەسىن ءتامامدادى. تەحنيكا عىلىمدارىنىڭ دوكتورى، گەنەرال-مايور.
ەڭبەك جولىندا ازاماتتىق قورعانىس جۇيەسىندە ءتۇرلى لاۋازىمدار مەن باسشىلىق قىزمەتتەردى اتقاردى.
1997 جىلعى ماۋسىمنان 1999 جىلعى اقپانعا دەيىن – جامبىل وبلىستىق توتەنشە جاعدايلار باسقارماسىنىڭ دايىندىق جانە وقىتۋ ورتالىعىنىڭ باستىعى.
2008 جىلعى قىركۇيەكتەن 2010 جىلعى اقپانعا دەيىن – الماتى قالاسى توتەنشە جاعدايلار دەپارتامەنتى ازاماتتىق قورعانىس باسقارماسىنىڭ باستىعى.
2014 جىلعى قازاننان 2020 جىلعى قاراشاعا دەيىن – قازاقستان رەسپۋبليكاسى ىشكى ىستەر مينيسترلىگى توتەنشە جاعدايلار كوميتەتىنە قاراستى كوكشەتاۋ تەحنيكالىق ينستيتۋتىنىڭ باستىعى.
2021 جىلدىڭ 3 قىركۇيەگىنەن بۇگىنگە دەيىن – قازاقستان رەسپۋبليكاسى توتەنشە جاعدايلار مينيسترلىگىنە قاراستى مالىك عابدۋللين اتىنداعى ازاماتتىق قورعاۋ اكادەمياسىنىڭ باستىعى قىزمەتىن اتقاردى.
ەسكە سالا كەتەيىك، بۇگىن مەملەكەت باسشىسى يۋري ءيليندى توتەنشە جاعدايلار ءمينيسترى لاۋازىمىنان بوساتقان ەدى.
"ادىرنا" ۇلتتىق پورتالى
