Ermek Köşerbaev Qazaqstannyŋ Austriiadaǧy tötenşe jäne ökılettı elşısı, Venadaǧy halyqaralyq ūiymdar janyndaǧy Qazaqstannyŋ tūraqty ökılı bolyp taǧaiyndaldy, dep habarlaidy “Adyrna”.
Būl turaly Aqorda habarlady.
Memleket basşysy tiıstı jarlyqqa qol qoidy.
Ermek Köşerbaev Kirov atyndaǧy Qazaq memlekettık universitetın jäne KSRO syrtqy ıster ministrlıgınıŋ Diplomatiialyq akademiiasyn bıtırgen. Eŋbek jolyn Qazaq KSR syrtqy ıster ministrlıgınde bastaǧan. Är jyldary Qazaqstan syrtqy ıster ministrlıgı jüiesınde, Şveisariiadaǧy elşılıkte, Prezident Äkımşılıgınde jäne Ükımet qūrylymdarynda qyzmet atqarǧan.
Sondai-aq ol «QazTransOil», «QazMūnaiGaz» kompaniialarynda, «Atameken» odaǧynda jäne KazEnergy qauymdastyǧynda türlı lauazymdardy ielengen. Keiın Şyǧys Qazaqstan oblysy äkımınıŋ orynbasary, auyl şaruaşylyǧy vise-ministrı jäne auyl şaruaşylyǧy ministrlıgınıŋ jauapty hatşysy boldy.
Diplomatiialyq qyzmetke qaita oralǧannan keiın syrtqy ıster ministrlıgınde jauapty hatşy jäne ministrdıŋ orynbasary qyzmetterın atqardy. 2020 jylǧy qaŋtarda Qazaqstannyŋ Reseidegı elşısı bolyp taǧaiyndaldy.
2023 jylǧy 16 mausymda Ermek Köşerbaev Şyǧys Qazaqstan oblysynyŋ äkımı boldy. 2025 jylǧy 14 aqpanda Premer-ministrdıŋ orynbasary qyzmetıne taǧaiyndaldy. Sol jylǧy 26 qyrküiekte Qazaqstannyŋ syrtqy ıster ministrı bolyp taǧaiyndaldy.
2026 jylǧy qyrküiekte Ükımettıŋ otstavkaǧa ketuınen keiın syrtqy ıster ministrı qyzmetıne Mūhtar Tıleuberdı taǧaiyndaldy.
Aita keteiık, Mūhtar Tıleuberdı Ermek Köşerbaevtyŋ ornyna taǧaiyndalǧanǧa deiın üş jyl boiy Qazaqstannyŋ Austriiadaǧy tötenşe jäne ökılettı elşısı ärı Venadaǧy halyqaralyq ūiymdar janyndaǧy Qazaqstannyŋ tūraqty ökılı qyzmetın atqarǧan.
