بۇگىن، 7 قازاندا جوعارعى سوتتىڭ بىرنەشە سۋدياسى وكىلەتتىگىن مەرزىمىنەن بۇرىن توقتاتتى، دەپ حابارلايدى «ادىرنا» ءتىلشىسى.
مەملەكەت باسشىسىنىڭ جوعارعى سوتتىڭ بىرقاتار سۋدياسىن قىزمەتىنەن بوساتۋ تۋرالى ۇسىنىسىن قۇرىلتايدىڭ پلەنارلىق وتىرىسىندا جوعارى سوت كەڭەسىنىڭ توراعاسى دميتري مالاحوۆ تانىستىردى.
«قۇرىلتاي جوعارعى سوتتىڭ سۋديالارى مارينا بوروۆيكتى، نۇرجان قايىپجاندى، ۆالەري ءنوزدريندى، مادەنيەت وماربەكوۆانى، سونداي-اق ساكەن ابدوللا مەن اسلان تۇكيەۆتى قىزمەتىنەن بوساتتى. ماسەلەلەر قازاقستان رەسپۋبليكاسى كونستيتۋتسياسىنىڭ 56-بابىنىڭ 10) تارماقشاسىنا سايكەس قارالدى»،– دەلىنگەن حابارلامادا.
ول اتالعان سۋديالاردىڭ ارقايسىسى سوت جۇيەسىنە بىرنەشە جىلىن ارناعانىن اتاپ ءوتتى.
«ولار – كاسىبي بىلىكتىلىگى جوعارى، سۋديالىق جولدان ادالدىقپەن وتكەن، وتاندىق سوت تورەلىگىنىڭ دامۋىنا ەلەۋلى ۇلەس قوسقان ماماندار. بارلىعى دا سۋديالار قاۋىمداستىعىندا زور بەدەل مەن قۇرمەتكە يە»،– دەپ قوستى دميتري مالاحوۆ.
جاقىن ۋاقىتتا جوعارى سوت كەڭەسى كونكۋرس نەگىزىندە جانە پرەزيدەنتپەن كەلىسۋ ارقىلى بوس ورىندارعا ۇمىتكەرلەر ءتىزىمىن جاسايدى. وسىدان كەيىن جوعارعى سوتتىڭ جاڭا سۋديالارىن تاعايىنداۋ جونىندەگى پرەزيدەنتتىڭ ۇسىنىستارى قايتادان قۇرىلتاي دەپۋتاتتارىنىڭ قاراۋىنا ەنگىزىلىپ، بەكىتۋگە ۇسىنىلادى.
