زاڭگەر ابزال قۇسپان قايرات ساتىبالدىنىڭ سوت ۇكىمىنە قاتىستى پىكىر ءبىلدىردى، دەپ حابارلايدى “ادىرنا” ۇلتتىق پورتالى.
“ازاتتىق راديوسى بۇگىن قايرات ساتىبالدىنىڭ قاتىسۋىمەن بەينەباياننان ءۇزىندى جاريالادى. سايت تاراتقان اقپاراتقا سايكەس، ساتىبالدىعا قاتىستى سوت پروتسەسى ميللياردتاعان قارجىنى ۇرلاۋ فاكتىسى بويىنشا باستالعان.
جابىرلەنۋشى تاراپتىڭ ءبىرى - “كازاحتەلەكوم”اق-ى 12,7 ملرد تەڭگە شىعىن قايتارىلعانى سەبەپتى، مەدياتيۆتىك كەلىسىم جاساۋ تۋرالى ءوتىنىش بەرگەن. سوت پروكۋروردىڭ پىكىرىن سۇراعان، ول ۋاقىت سۇراعان، سوعان بايلانىستى ءۇزىلىس جاريالانعان.تۇك تۇسىنسەم بۇيىرماسىن؟! ەگەر سايت اقپاراتىنا سەنسەك، ساتىبالدىعا تاعىلعان ايىپ اسا ءىرى كولەمدە قارجى ۇرلاۋ، ياعني قر قك-نىڭ 189 ب.، 4 بولىگىمەن تاعىلعان. ول اۋىر ساناتتاعى ىستەر قاتارىنا جاتادى. ال مەدياتيۆتى كەلىسىم تەك قانا ونشا اۋىر ەمەس جانە ورتاشا ساناتتاعى ىستەر بويىنشا جاسالۋى مۇمكىن.
بۇل 2+2=4 سياقتى، قاراپايىم نارسە. قازاقتەلەكومدى تۇسىنۋگە بولار، بىراق استانالىق سۋديا مەن پروكۋرورعا نە جورىق؟ سوندا ولار قاراپايىم پروتسەستىك زاڭ نورمالارىن بىلمەي مە؟ الدە، “جىلاندى ءۇش كەسسەڭدە، شەگىرتكەلىك ءالى بار”-دەپ، اسىرەساقتىق جاساعان تۇرلەرى مە؟”،- جەپ جازدى ول Facebook پاراقشاسىنا.
”ادىرنا” ۇلتتىق پورتالى
