تەگەران قارۋ-جاراق پەن قورعانىس تەحنيكاسىن ءوندىرۋ قۋاتىن 2,5 ەسەگە ارتتىردى. بۇل تۋرالى ەلدىڭ قورعانىس مينيسترلىگىنىڭ رەسمي وكىلى رەزا تالاينيك مالىمدەدى، دەپ حابارلايدى «ادىرنا» ءتىلشىسى «ريا نوۆوستيگە» سىلتەمە جاساپ.
«ەلدەگى قارۋ-جاراق پەن قورعانىس ماقساتىنداعى تەحنيكالاردى ءوندىرۋ قۋاتى رامازان ايىنداعى سوعىسقا دەيىنگى كەزەڭمەن سالىستىرعاندا (اقش پەن ءيزرايلدىڭ يرانمەن قاقتىعىسىنىڭ اقپان ايىنىڭ سوڭىنان ءساۋىر ايىنىڭ باسىنا دەيىنگى شيەلەنىسكەن كەزەڭى – رەد.) 2,5 ەسەگە ءوستى. ال قارۋ-جاراقتىڭ جەكەلەگەن تۇرلەرى بويىنشا ءوندىرىس كولەمى ءۇش ەسەدەن استام ارتتى»، – دەدى ول.
ايتا كەتەيىك، اقش پەن يزرايل 28 اقپاندا يران اۋماعىنداعى نىساندارعا سوققى جاساي باستاعان ەدى. بۇعان جاۋاپ رەتىندە يران تاراپى دا ءوز سوققىلارىن جاساعان.
ماۋسىم ايىنىڭ ورتاسىندا تەگەران مەن ۆاشينگتون اسكەري ءىس-قيمىلداردى توقتاتۋ تۋرالى مەموراندۋمعا قول قويدى. الايدا كەيىن تاراپتار قايتادان ءوزارا سوققى الماستى. قازىرگى ۋاقىتتا قاقتىعىس ءالى دە رەتتەلمەگەن كۇيىندە قالىپ وتىر.
