تەگەراندا يران سوت جۇيەسى باسشىسىنىڭ حالىقارالىق ىستەر جونىندەگى ورىنباسارى ءارى ادام قۇقىقتارى جونىندەگى شتاب حاتشىسى ناسەر سيرادج قازاقستان ەلشىسى وڭتالاپ وڭالباەۆپەن جانە ازەربايجان ەلشىسى ءالي اليزادەمەن كەزدەستى، دەپ حابارلايدى "ادىرنا" ۇلتتىق پورتالى.
كەزدەسۋ بارىسىندا تاراپتار ەكىجاقتى جانە وڭىرلىك قۇقىقتىق ىنتىماقتاستىقتى دامىتۋ ماسەلەلەرىن تالقىلادى. يران وكىلى قۇقىقتىق جانە سوت سالاسىنداعى ديالوگتى كۇشەيتۋ ايماقتىق تۇراقتىلىق ءۇشىن ماڭىزدى ەكەنىن اتاپ ءوتتى.
سيرادج سوڭعى اپتالاردا يراندا وتكەن نارازىلىقتارعا دا پىكىر ءبىلدىردى. ونىڭ ايتۋىنشا، بۇل وقيعالار «تاۋەلسىز مەملەكەتتەردى قابىلدامايتىن ەلدەردىڭ توزبەۋشىلىگىنىڭ ناتيجەسى» بولىپ تابىلادى.
سونداي-اق ول شانحاي ىنتىماقتاستىق ۇيىمى اياسىندا قۇقىقتىق جانە سوت سالاسىنداعى كەلىسسوزدەردى دامىتۋ ماڭىزدى ەكەنىن جەتكىزدى.
ءوز كەزەگىندە تەگەرانداعى ازەربايجاننىڭ يرانداعى ەلشىسى ءالي اليزادە ەلدەگى تۇراقتىلىق بۇكىل ءوڭىر ءۇشىن ماڭىزدى ەكەنىن اتاپ ءوتتى. ول ازەربايجان تاراپى قۇقىق جانە ادام قۇقىقتارى سالاسىندا ىنتىماقتاستىقتى كەڭەيتۋگە دايىن ەكەنىن ءبىلدىردى.
كەزدەسۋ بارىسىندا تاراپتار وڭىرلىك قاۋىپسىزدىك، قۇقىقتىق ءوزارا ءىس-قيمىل جانە حالىقارالىق قۇقىق نورمالارىن ساقتاۋ ماسەلەلەرىنە ەرەكشە نازار اۋداردى.
