الەۋمەتتىك جەلىلەردە تالعاردا جاياۋ جۇرگىنشىنى قاعىپ، وقيعا ورنىنان قاشىپ كەتكەن جۇرگىزۋشى قۇقىق قورعاۋ ورگانىنىڭ بۇرىنعى قىزمەتكەرى ەكەنى تۋرالى اقپارات پايدا بولدى، دەپ حابارلايدى كتك ارناسى.
الماتى وبلىسىنداعى ادام ولىمىنە قاتىستى وقيعانىڭ جاڭا مالىمەتتەرى بەلگىلى بولدى. مارقۇمنىڭ تۋىستارى: "سول ءبىر قارالى تۇندە بۇرىنعى پوليتسەي شەتەلدىك كولىكتى باسقارىپ، ماس كۇيىندە بولعان. بۇعان ويىن-ساۋىق ورىندارىنىڭ بىرىنە ورناتىلعان باقىلاۋ كامەرالارىنىڭ جازبالارى دالەل", - دەپ جازدى.
جازبا اۆتورى ولىمگە اكەلگەن Mercedes-Benz كولىگىن قاعىپ كەتكەن ادامنىڭ بۇرىنعى پوليتسيا قىزمەتكەرى ەكەنىن ايتتى.
"ول 24 قازاندا جۇمىستان بوساتىلدى. ال 25 قازان كۇنى ادامدى قاعىپ، قاشىپ كەتتى. بۇعان ءىىد باسشىسى نە دەيدى؟" – دەيدى جازبا اۆتورى.
وقيعاعا قاتىستى مارقۇمنىڭ اپكەسى پىكىر ءبىلدىردى.
"ماس قىزمەتكەردىڭ كەسىرىنەن تىرەۋىمىزدەن ايىرىلدىق. ونسىز قالاي ءومىر سۇرەتىنىمىزدى ەلەستەتە دە المايمىن. بارلىق قولدارى مەن اياقتارى سىنعان. ءبىز ادىلدىكتى تالاپ ەتەمىز، ويتكەنى بۇل ءبىز ءۇشىن ۇلكەن شىعىن. قالايشا قاعىپ كەتىپ، ارى قاراي قاراماستان، توقتاماستان كەتە بەرۋگە بولادى. ەڭ بولماسا ءتۇسىپ، كومەك بەرسە امان قالاتىن با ەدى. بايقۇس بالا ەكى جارىم ساعات جاتىپ قالعان", - دەيدى مارقۇمنىڭ اپكەسى مارال جەڭىسوۆا.
پوليتسەيلەر جول اپاتىندا ۇستالعان 26 جاستاعى جىگىتتىڭ پوليتسيا قىزمەتكەرى ەمەس ەكەنىن ايتتى.
"وقيعا بولعان كەزدە كۇدىكتى پوليتسيا قىزمەتكەرى بولماعان، ويتكەنى ول وقيعادان بۇرىن ءوز ەركىمەن جۇمىستان كەتۋ تۋرالى ارىز بەرگەن. مەديتسينالىق ساراپتامانىڭ قورىتىندىسى ونىڭ ماس كۇيىندە بولماعانىن كورسەتتى. تاعى دا ساراپتامالار جۇرگىزىلەتىن بولادى", - دەپ حابارلادى پوليتسيا دەپارتامەنتىنىڭ ءباسپاسوز قىزمەتىنەن.
