الماتىنىڭ تۇركسىب اۋدانىندا Porsche اۆتوكولىگى مەن جولاۋشىلار اۆتوبۋسى سوقتىعىستى، دەپ حابارلايدى "ادىرنا".
جول اپاتىنان كەيىن بىرنەشە ادام مەديتسينالىق كومەككە جۇگىنگەن.
الماتى قالاسى پوليتسيا دەپارتامەنتىنىڭ مالىمەتىنشە، جول-كولىك وقيعاسى 30 قىركۇيەكتە ساعات 15:20 شاماسىندا رىسقۇلوۆ داڭعىلىندا بولعان.
الدىن الا مالىمەت بويىنشا، Golden Dragon ماركالى اۆتوبۋس شىعىس باعىتتا قوزعالىپ كەلە جاتقان. كەرى بۇرىلۋ كەزىندە جۇرگىزۋشى قارسى باعىتتا كەلە جاتقان Porsche كولىگىنە جول بەرمەگەن. سونىڭ سالدارىنان كولىكتەر سوقتىعىسقان.
اپاتتان كەيىن اۆتوبۋس جولاۋشىلارىنىڭ بىرنەشەۋى مەديتسينالىق كومەككە جۇگىنگەن. ولاردىڭ ناقتى سانى مەن اۋرۋحاناعا جاتقىزىلعاندار تۋرالى اقپارات ازىرگە جوق.
قازىر تۇركسىب اۋداندىق پوليتسيا باسقارماسى جول-كولىك وقيعاسىنىڭ ءمان-جايىن انىقتاپ جاتىر.
