تاراز پوليتسياسى قالالىق اۆتوبۋستىڭ قاتىسۋىمەن بولعان جول اپاتىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
بەلگىلى بولعانداي، 4 قاڭتار كۇنى تاڭەرتەڭ تارازدا No56 باعىتتاعى اۆتوبۋستىڭ 33 جاستاعى جۇرگىزۋشىسى ءرولدى باسقارا الماي، قارسى كەلە جاتقان كولىككە شىعىپ كەتىپ، توقتاپ تۇرعان 10 كولىككە سوقتىعىسقان. 56 جاستاعى ايەل جاراقات الىپ، اۋرۋحاناعا جاتقىزىلدى.
«وقيعاعا جۇرگىزۋشىنىڭ رولدە ۇيىقتاپ كەتۋى سەبەپ بولعان. قالىپتى، ادەكۆاتتى جۇرگىزۋشى. ءبىر عانا نارسە، ول ءبىر ساتكە ۇيىقتاپ كەتكەن، كوزىن اشسا، ءوزى ايتقانداي، كەش بولعانىن كورگەن»، - دەدى تاراز قالالىق ءىىب پاترۋلدىك پوليتسيا باتالونىنىڭ كومانديرى رۋسلان ورازباقوۆ قازاقپارات اگەنتتىگىنىڭ تىلشىسىنە بەرگەن جاۋابىندا.
اتالعان فاكتى بويىنشا اۆتوبۋس جۇرگىزۋشىسىنە قاتىستى قر قىلمىستىق كودەكسىنىڭ 345-بابى بويىنشا سوتقا دەيىنگى تەرگەۋ امالدارى باستالدى. قاجەتتى ساراپتامالار تاعايىندالدى.
"ادىرنا" ۇلتتىق پورتالى
