27 قىركۇيەكتە سەربيا پرەزيدەنتى الەكساندر ۆۋچيچ قىزمەتىنەن كەتۋ تۋرالى قۇجاتقا قول قويدى. ەندى مەملەكەت باسشىسىنىڭ مىندەتىن سەربيا ۇلتتىق سكۋپششيناسىنىڭ ءتورايىمى انا برنابيچ ۋاقىتشا اتقارادى، دەپ حابارلايدى «ادىرنا» ءتىلشىسى BBC-گە سىلتەمە جاساپ.
«سەربيا رەسپۋبليكاسى كونستيتۋتسياسىنىڭ 116-بابىنىڭ 5-تارماعىنا سايكەس، رەسپۋبليكا پرەزيدەنتى قىزمەتىنەن كەتۋ تۋرالى ءوتىنىش بەرەمىن. مەن وسى ەكى پرەزيدەنتتىك مەرزىم بويى سىزدەرگە ادال، ءادىل ءارى ابىرويمەن قىزمەت ەتتىم»، – دەدى ۆۋچيچ جينالعان جۇرت الدىندا.
ەكى اپتا بۇرىن ۆۋچيچ 25 قازاندا وتەتىن سايلاۋ قارساڭىندا پارلامەنتتى تاراتۋ تۋرالى جارلىققا قول قويعان بولاتىن. سونداي-اق ول ءوزى جەتەكشىلىك ەتەتىن سەربيانىڭ پروگرەسسيۆتى پارتياسىنا پارلامەنت سايلاۋىندا جەڭىسكە جەتۋگە كومەكتەسەتىنىن ايتتى. ساراپشىلاردىڭ پىكىرىنشە، ۆۋچيچ سايلاۋدان كەيىن پرەمەر-مينيستر بولۋدى كوزدەيدى، ال پرەزيدەنتتىككە وزىنە بارىنشا ادال ساياساتكەردى ۇسىنۋى ىقتيمال.
ايتا كەتەيىك، سەربيادا جىل سوڭىنا دەيىن پرەزيدەنت سايلاۋى ءوتۋى ءتيىس.
