27 қыркүйекте Сербия президенті Александр Вучич қызметінен кету туралы құжатқа қол қойды. Енді мемлекет басшысының міндетін Сербия Ұлттық скупщинасының төрайымы Ана Брнабич уақытша атқарады, деп хабарлайды «Адырна» тілшісі BBC-ге сілтеме жасап.
«Сербия Республикасы Конституциясының 116-бабының 5-тармағына сәйкес, республика президенті қызметінен кету туралы өтініш беремін. Мен осы екі президенттік мерзім бойы сіздерге адал, әділ әрі абыроймен қызмет еттім», – деді Вучич жиналған жұрт алдында.
Екі апта бұрын Вучич 25 қазанда өтетін сайлау қарсаңында парламентті тарату туралы жарлыққа қол қойған болатын. Сондай-ақ ол өзі жетекшілік ететін Сербияның прогрессивті партиясына парламент сайлауында жеңіске жетуге көмектесетінін айтты. Сарапшылардың пікірінше, Вучич сайлаудан кейін премьер-министр болуды көздейді, ал президенттікке өзіне барынша адал саясаткерді ұсынуы ықтимал.
Айта кетейік, Сербияда жыл соңына дейін президент сайлауы өтуі тиіс.
