مەملەكەتتىك سىيلىقتىڭ لاۋرەاتى، وپەرا ءانشىسى بيبىگۇل تولەگەنوۆا اتوم ەلەكتر ستانتسياسىن سالۋ ماسەلەسى بويىنشا رەفەرەندۋمعا قاتىستى، دەپ حابارلايدى «ادىرنا» ۇلتتىق پورتالى.
بيبىگۇل احمەتقىزى داۋىسىن ۇيىندە بەردى. №559 سايلاۋ ۋچاسكەسىنىڭ وكىلدەرى بيۋللەتەندەرگە ارنالعان ۋرنانى بيبىگۇل احمەتقىزىنىڭ تۇرعىلىقتى مەكەنجايىنا اكەلدى.
ءارتىس بۇل وقيعانىڭ ەل ءۇشىن ماڭىزدىلىعىن اتاپ ءوتتى. ونىڭ ايتۋىنشا، رەفەرەندۋمعا قاتىسۋ-ءاربىر ازاماتتىڭ قازاقستاننىڭ بولاشاعىنا دەگەن جاۋاپكەرشىلىگى.
"مۇنداي شەشىمدەر مۇقيات ويلاستىرۋدى قاجەت ەتەدى، ويتكەنى ولار ەلدەگى قازىرگى جاعدايعا عانا ەمەس، كەلەسى ۇرپاقتىڭ بولاشاعىنا دا اسەر ەتەدى. مەن ەلىمىز ءۇشىن وسى ماڭىزدى ماسەلەگە ءوز داۋىسىمدى قوسا الاتىنىمدى ماقتان تۇتامىن", - دەپ اتاپ ءوتتى بيبىگۇل احمەتقىزى.
وپەرا ءانشىسىنىڭ ايتۋىنشا، قازاقستان ءالى دە جاس مەملەكەت جانە ونى قولداۋ كەرەك، ەلىمىز ءۇشىن ماڭىزدى وقيعالارعا قاتىسىپ، سول ارقىلى مەملەكەتىمىز ءۇشىن دامۋدىڭ ەڭ جاقسى جولىن تاڭداۋ كەرەك.
ەستەرىڭىزگە سالا كەتەيىك، بۇگىن قازاقستان اۋماعىندا اتوم ەلەكتر ستانتسياسىن سالۋ ماسەلەسى بويىنشا رەسپۋبليكالىق رەفەرەندۋم وتۋدە. تۇرعىندار تۇرعىلىقتى جەرى بويىنشا سايلاۋ ۋچاسكەلەرىنە بارىپ، ساعات 20.00-گە دەيىن ءوز داۋىستارىن بەرە الادى.
