بەلگىلى مەتسەنات ءارى كاسىپكەر ماحات تورەالى ماڭعىستاۋداعى اسكەري وقۋ-جاتتىعۋ كەزىندە بولعان قايعىلى جاعدايعا بايلانىستى كوڭىل ايتىپ، قازا تاپقان اسكەري قىزمەتشىلەردىڭ وتباسىلارىنا قارجىلاي كومەك كورسەتەتىنىن مالىمدەدى. كاسىپكەر بۇل تۋرالى Instagram پاراقشاسىندا جازدى، دەپ حابارلايدى "ادىرنا".
«ەلىمىزدە ورىن العان قايعىلى وقيعا بارشامىزدىڭ جۇرەگىمىزگە اۋىر ءتيدى.
ەشقانداي قارجى مەن ءسوز بۇل قايعىنىڭ ورنىن تولتىرا المايتىنىن جاقسى تۇسىنەمىن. دەگەنمەن وسىنداي قيىن ساتتە ەلمەن بىرگە بولۋ، ءبارىمىزدىڭ ازاماتتىق پارىزىمىز دەپ سانايمىن.
ەل بولىپ كوتەرگەن جۇك جەڭىل بولادى. ءبىز دە حالقىمىزبەن بىرگە قولىمىزدان كەلگەنشە كومەك كورسەتۋگە دايىنبىز.
ەل بولىپ جۇمىلعان وسى قيىن ساتتە جەكە ءوز اتىمنان جانە Beles قۇرىلىس كومپانياسىنىڭ اتىنان 100 ملن تەڭگە قارجىلاي كومەك بەرۋدى ۇيعاردىم»، – دەپ جازدى ماحات تورەالى.
ايتا كەتەيىك، كەشە ماڭعىستاۋ وبلىسىندا اسكەري وقۋ-جاتتىعۋ كەزىندە اۋا رايىنىڭ كۇرت ناشارلاۋىنان 17 اسكەري قىزمەتشىنى تەڭىز اعىزىپ كەتكەن بولاتىن. وقيعا سالدارىنان 14 اسكەري قىزمەتشى قازا تاپتى.
