قازاقستاندىق كاراتەشى سوفيا بەرۋلتسەۆا جاپونيانىڭ ايچي-ناگويا قالاسىندا ءوتىپ جاتقان 2026 جىلعى ازيا ويىندارىندا التىن مەدال يەلەندى. ول 68 كەلىدەن جوعارى سالماق دارەجەسىندە ونەر كورسەتىپ، جارىستىڭ فينالىنا دەيىن جەتتى، دەپ حابارلايدى «ادىرنا».
شەشۋشى كەزدەسۋدە بەرۋلتسەۆا تايلاند سپورتشىسى مانەەۆان بۋتسۋۆاندى جەڭىپ، التىن جۇلدەگە قول جەتكىزدى.
قازاقستاندىق كاراتەشى فينالعا دەيىن ساۋد ارابياسىنىڭ وكىلى دينا موستافانى ۇتتى. ال جارتىلاي فينالدا نەپال سپورتشىسى اريكا گۋرۋنگتەن باسىم ءتۇستى.
بۇل — سوفيا بەرۋلتسەۆانىڭ ازيا ويىندارىنداعى ەكىنشى التىنى. ول بۇعان دەيىن حانچجوۋ-2022 دوداسىندا دا چەمپيون اتانعان بولاتىن.
قازاقستان قۇراماسى ءۇشىن بۇل جارىستاعى ءتورتىنشى التىن مەدال. بۇعان دەيىن 55 كەلىگە دەيىنگى سالماقتا جولامان بيعابىل توپ جارعان.
سونىمەن قاتار ەل قورجىنىندا تاسجولداعى ۆەلوسپورتتان ريناتا سۇلتانوۆا مەن الەكسەي لۋتسەنكونىڭ ەكى التىنى، ترياتلوننان ارلان جاڭابايدىڭ جانە قازىرگى بەسسايىستان قازاقستان ەرلەر قۇراماسىنىڭ قولا جۇلدەلەرى بار.
