سەمسەرلەسۋدەن قازاقستان ەرلەر كومانداسى گونكونگ قالاسىندا ءوتىپ جاتقان الەم چەمپيوناتىنىڭ فينالىنا شىعىپ، تاريحي ناتيجە تىركەدى. بۇل تۋرالى 29 شىلدەدە تۋريزم جانە سپورت مينيسترلىگى جازدى، دەپ حابارلايدى «ادىرنا» ءتىلشىسى.
قازاقستان كومانداسى (رۋسلان كۋربانوۆ، ەرلىك سەرتاي، كيريلل پروحودوۆ، ۆاديم شارلايموۆ) فينالدا ۋكراينا سەمسەرلەسۋ شەبەرلەرىمەن كۇش سىناستى. باس جۇلدە ءۇشىن بولعان تارتىستى ايقاس 45-40 ەسەبىمەن اياقتالىپ، ءبىزدىڭ تورتتىك قازاقستانعا سپورتتىڭ وسى تۇرىنەن الەم چەمپيوناتىنىڭ العاشقى التىن جۇلدەسىن سىيلادى.
بۇل - قازاقستان ەرلەر كومانداسى ءۇشىن جالپى الەم چەمپيوناتىنىڭ العاشقى فينالى. وسىعان دەيىنگى ۇزدىك كورسەتكىش - بىلتىرعى قولا مەدال. قازاقستان ءبىر جىل بۇرىن گرۋزيا استاناسىندا وتكەن دودادا الەمدىك دەڭگەيدەگى كوشباسشى فرانتسيانى ۇتىپ، تاريحي قولا جۇلدەگە قول جەتكىزگەن.
قازىر سەمسەرلەسۋدەن ەرلەر ۇلتتىق قۇراماسى الەم رەيتينگىندە 5-ورىندا تۇر.
