قازاقستان مۇسىلماندارى وداعى باسشىسىنىڭ ايەلى كۇيەۋىن سوققىعا جىققانىن ايتىپ، ۆيدەو جاريالادى

2683
Adyrna.kz Telegram
فوتو: azattyq.org
فوتو: azattyq.org

قازاقستان مۇسىلماندارى وداعىنىڭ باسشىسى مۇرات تەلىبەكوۆتىڭ ايەلى كۇيەۋىنىڭ ونى 10 جاسار بالاسىنىڭ كوزىنشە ۇرىپ-سوققانىن ايتتى. بۇل تۋرالى جەلىدە تەلىبەكوۆتىڭ ايەلى ەكاتەرينا چەكانوۆانىڭ ۆيدەو ۇندەۋى جاريالاندى، دەپ حابارلايدى “ادىرنا” ۇلتتىق پورتالى.

ەكاتەرينا چەكانوۆانىڭ ايتۋىنشا، بىرنەشە جىلدان بەرى ەرلى-زايىپتىلار اراسىندا ۇرىس-كەرىس بولىپ، ارتى جانجالعا ۇلاسقان. ءبىر كۇن بۇرىن ولاردىڭ اراسىندا قاتتى ۇرىس شىعىپ، تەلىبەكوۆ ايەلىن بالانىڭ كوزىنشە ۇرىپ-سوققان. مۇسىلماندار وداعى پرەزيدەنتىنىڭ ايەلى دوسىنا تەلەفون سوعىپ، بالانى ءبىراز ۋاقىتقا كەلىپ الىپ كەتۋدى وتىنگەنىن ايتتى. الايدا ولار كەلگەندە كۇيەۋى ولارعا دا شابۋىل جاساپتى.

تەلىبەكوۆتىڭ ءوزى الەۋمەتتىك جەلىدە جازبا جازىپ، كەرىسىنشە ايەلىنىڭ دوسىن وزىنە شابۋىل جاسادى دەپ ايىپتاعان. ول بەلگىسىز بىرەۋلەر ونىڭ ۇيىنە باسىپ كىرىپ، ءىرى كولەمدەگى اقشانى ۇرلاپ، 10 جاسار قىزىن ۇرلاماق بولعانىن ايتادى.

"بۇزاقىلار بالانىڭ كوزىنشە ونىڭ اكەسىن ۇرىپ-سوعىپ، بالاعاتتاپ، قورلاعان. بويجەتكەن اۋىر پسيحولوگيالىق جاراقات الدى", - دەپ جازدى ول.

ال ەكاتەرينا چەكانوۆانىڭ قۇربىسى كيم ەلەنا ەكاتەرينانىڭ ۆيدەوسىن جاريالاپ، تەلىبەكوۆتىڭ جالعان اقپارات تاراتىپ، جالا جاۋىپ وتىرعانىن ايتادى.

“13 تامىزدا ول ونى ولتىرە جازدادى! چەكانوۆا ەكاتەرينا (ايەلى) سول كۇنى كەشكە ماعان تەلەفون سوعىپ، كومەك سۇراپ، كۇيەۋى تەلىبەكوۆ مۇراتتىڭ ۇرىپ-سوققانىن ايتتى. مەن ول كەزدە وتباسىممەن مەيرامحانادا بولدىم. جاقىن دوسىمنىڭ ومىرىنەن قورقىپ، ونىڭ نومىرىنە قايتا قوڭىراۋ شالا باستادىم، بىراق ول كەزدە جاۋاپ بەرمەدى. مەن ونىڭ قايدا تۇراتىنىن ءبىلىپ، اناممەن بىرگە ولاردىڭ ۇيىنە باردىم”، دەپ جازدى قۇربىسى.

سونداي-اق، ەلەنانىڭ ايتۋىنشا، ول ەكاتەرينانىڭ ۇيىنە بارعاندا تەرەزەدەن ايقايلاعان. ۇيىنە كىرىپ قۇربىسىن قۇتقارماق بولعاندا مۇرات ولاردى دا ۇرىپتى.

“ول مەنىڭ ىشىمنەن ۇرىپ، انامدى بىرنەشە رەت ۇردى. ەندى مىنا تەلىبەكوۆ مۇرات ءوزىنىڭ فەيسبۋك پاراقشاسىنا جالا جاۋىپ، ۆيدەو جاريالاپ جاتىر. سول  جەردە ايەلىن زالىم كۇيەۋىنەن قورعاۋ ءۇشىن ءبىز ونىمەن توبەلەسىپ قالدىق. ول مەنى جانە انامدى ونىڭ پاتەرىنە زاڭسىز كىرىپ، ۇرىپ-سوعىپ، ءىرى كولەمدەگى اقشانى ۇرلادى دەپ ايىپتايدى. ونىڭ قىزىن ۇرلاپ، ۇيىندە ۇستاعانىمىزدى، وعان پسيحوتروپتىق زاتتاردى تولتىرعانىمىزدى ايتىپ جالا جابۋدا. مەن جۇكتىلىكتىڭ 8-ءشى اپتاسىنداسىن. ول جالعان ايىپ تاعىپ جاتقاندىقتان، مەن ۇنەمى سترەسستەمىن”، دەپ جازعان ەلەنا.

”ادىرنا” ۇلتتىق پورتالى

پىكىرلەر
ۇقساس جاڭالىقتار
Серіктестер/Партнеры
Студия IMA - создание сайтов Доставка цветов Астана - Lova Buket