قر ءبىلىم جانە جوعارى عىلىم ءمينيسترى ساياسات نۇربەك اباي كۇنىنە وراي Telegram ارناسىنا پىكىرىمەن ءبولىستى، دەپ حابارلايدى “ادىرنا” ۇلتتىق پورتالى.
”بۇگىن ۇلى اباي كۇنى!
الاش حاكىمى ءبىلىم مەن عىلىم ەلدىڭ التىن قازىعى ەكەنىن عاسىرلار بۇرىن ايتقان. قازىرگى زاماننىڭ گۋمانيتارلىق سالاسىنداعى يننوۆاتسياسى بولىپ سانالاتىن ويلاردى سول ەسكى زاماندا شەگەلەپ كەتتى.
ءبىلىم مەن عىلىمعا قانداي جول كەرەك دەگەن سۇراققا جاۋاپتى قوعام دا، مامان دا ىزدەۋ ۇستىندە. مەنىڭ ويىم – «ابايدىڭ جولى» كەرەك. ول قانداي جول؟
1. ۇلتىمىزدىڭ سانا سەزىمىن اعارتۋشىلىققا باعىتتاۋ.
2. ءبىزدىڭ جاستاردىڭ ءبىلىم مەن ىلىمگە دەگەن جوعارى ىنتاسىن پوتەنتسيال رەتىندە قولدانۋ.
3. ۇلى ابايداي ءار حالىقتىڭ جاقسىسىن كورىپ سىڭىرە ءبىلۋ.
4. وي مەن اقىل بىرلىگىن ساقتاۋ.
5. ءتوزىمدى، قولدانبالى، ەلىنە پايداسى بار ءبىلىم جولدارىن ىزدەۋ.
6. التى الاش پەداگوگيكاسىن تەرەڭ ەنگىزۋگە جاعداي جاساۋ.
كىشى ۇلكەندى، ۇلكەن كىشىنى سىيلاسا ءبىزدىڭ عىلىمىمىز دا، بىلىمىمىز دە العا باسادى. ءبىزدىڭ كەلەشەگىمىز – تاريحىمىزدىڭ قولىندا.
ۇلى تۇلعامىزدىڭ تۋعان كۇنىندە وسىنداي ويلار كەلدى”، دەپ جازدى ول.
