قازاقستاندا 2027 جىلدان باستاپ ۇلتتىق بىرىڭعاي تەستىلەۋ جۇيەسىنە وزگەرىس ەنگىزىلىپ، تۇلەكتەرگە ەمتيحاندى تەك ءبىر رەت تاپسىرۋ مۇمكىندىگىنە قاتىستى تۇسىنىكتەمە بەرىلدى، دەپ حابارلايدى "ادىرنا" ۇلتتىق پورتالى.
بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ءتۇسىندىردى.
ءمينيستردىڭ ايتۋىنشا، جاڭا فورمات بىردەن تولىق ەنگىزىلمەي، الدىمەن پيلوتتىق رەجيمدە ىسكە قوسىلادى.
«ەشكىم ۋايىمداماسىن، بيىل قالىپتاسقان پروتسەدۋرالار ارقىلى وتەدى. كەلەسى جىلدان باستاپ تۇڭعىش رەت جاڭا تەست قوسىلاتىن بولادى. بالاما رەتىندە. 2027 جىلى جاڭا تەستىڭ پيلوتتىق فورماتى قوسىلادى. ۇبت ەكى مارتە ەمەس، ءبىر رەت تاپسىرىلادى. بىراق تالاپكەرلەر ءوز كۇشتەرىن سىناۋى ءۇشىن نەگىزگى تەست ەمەس، بايقاۋ تەستىنىڭ مۇمكىندىگى ساقتالادى»، – دەدى ساياسات نۇربەك.
بۇعان دەيىن پرەمەر-ءمينيستردىڭ ورىنباسارى ايدا بالاەۆا دا ۇبت جۇيەسىن وزگەرتۋ ۇسىنىلىپ وتىرعانىن ايتقان ەدى. ونىڭ پىكىرىنشە، تەستى ءبىر رەت تاپسىرۋ فورماتىنا كوشۋ گرانتتاردى ءبولۋ كەزىندە ادىلدىك پەن وبەكتيۆتىلىكتى ارتتىرۋعا مۇمكىندىك بەرەدى.
