Foto: Jeke mūraǧattan
Türkıstan oblysy Keles audanynyŋ 19 jastaǧy tūrǧyny Baqytjan Ämit tört aidan astam äskeri qyzmet ötkergennen keiın densaulyǧyna bailanysty üiıne qaitarylǧan, dep habarlaidy "Adyrna" QazAqparatqa sıltep.
Qazır ol baldaqpen jürıp, ota jasatuy qajet.
Sarbaz 2025 jylǧy qaraşada Qonaev qalasyndaǧy №58012 äskeri bölımge jıberılgen. Onyŋ aituynşa, qyzmetke barǧannan keiın ekı ai ötken soŋ aiaǧy auyryp, aqsai bastaǧan. Keiın ol Semeidegı №54770 äskeri bölımıne auystyrylyp, densaulyǧyn tekseru üşın Astanadaǧy äskeri gospitalǧa jıberılgen. Onda 70 künnen astam em qabyldaǧan.
Äskeri-därıgerlık komissiia ony qyzmetke jaramsyz dep tanyǧan.
Qorǧanys ministrlıgınıŋ mälımetınşe, Baqytjan äskerge şaqyrylǧan kezde medisinalyq tekseruden ötıp, äskeri qyzmetke jaramdy dep tanylǧan. Qyzmet barysynda densaulyǧyna şaǧymdanǧannan keiın ol medisinalyq tekseruge jıberılıp, gospitalda qajettı em alǧan.
Tekseru kezınde sarbazdan jambas buyndarynyŋ tua bıtken patologiiasy jäne nesep şyǧaru jüiesıne qatysty qosymşa aurular anyqtalǧan.
