ازەربايجاندا بالىق شارۋاشىلىعى ونىمدەرىن سۋبسيديالاۋ العاش رەت قولعا الىنادى. بۇل تۋرالى ەلدىڭ اۋىل شارۋاشىلىعى مينيسترلىگى ايتتى، دەپ حابارلايدى «ادىرنا» ءتىلشىسى.
شەشىم اكۆامادەنيەت شارۋاشىلىقتارىنىڭ وندىرىستىك قۋاتىن ارتتىرۋ جانە ەلدىڭ ىشكى ونىممەن ءوزىن-ءوزى قامتاماسىز ەتۋ دەڭگەيىن كوتەرۋ ماقساتىندا قابىلدانعان.
ەلدە وندىرىلەتىن البىرت تۇقىمداس جانە بەكىرە تۇقىمداس بالىقتاردىڭ ءار تونناسىنا - 2000 مانات (550 مىڭ تەڭگەدەي), ال تۇقى جانە جايىن تۇقىمداس بالىقتاردىڭ ءار تونناسىنا 600 مانات (160 مىڭ تەڭگە شاماسى) كولەمىندە سۋبسيديا بەرىلمەك.
سۋبسيديالار اۋىل شارۋاشىلىعىنىڭ ەلەكتروندىق جۇيەسىندە تىركەلگەن شارۋاشىلىقتارعا ءونىمدى ءتيىستى قۇجاتتاردى راسىمدەي وتىرىپ، جەتكىزۋشىلەرگە رەسمي تۇردە وتكىزگەن جاعدايدا تولەنەدى.
سونىمەن قاتار ناحچىۆان اۆتونوميالىق رەسپۋبليكاسىندا اسحانالىق جۇمىرتقانىڭ جەرگىلىكتى ءوندىرىسىن قالپىنا كەلتىرۋ ماقساتىندا تىركەلگەن قۇس شارۋاشىلىقتارىنا جەتكىزۋشىلەرگە ساتىلعان ءار 1000 دانا اسحانالىق جۇمىرتقا ءۇشىن 30 مانات كولەمىندە سۋبسيديا تولەنەدى.
