ارمەنيا پرەمەر-ءمينيسترى نيكول پاشينيان ارمەنيا مەن ازەربايجان ارا-قاتىناسى تۋرالى ايتتى، دەپ حابارلايدى "ادىرنا" ۇلتتىق پورتالى.
Report اگەنتتىگىنە سايكەس، پرەمەر بۇل تۋرالى ەرەۆاندا وتكەن «وربەلي: بەيبىتشىلىكتى جانە كوپجاقتى ىنتىماقتاستىقتى قالىپتاستىرۋ» اتتى حالىقارالىق فورۋمدا ايتتى.
"ەكى ەل اراسىندا بەيبىتشىلىك ورنادى. بىراق نەگىزگى قيىندىق ديپلوماتيالىق دەڭگەيدە ەمەس، جاڭا شىندىقتى قابىلداۋدا بولىپ وتىر. مەن بەيبىتشىلىك تۋرالى ايتقاندا، بۇل كوپشىلىككە جات نەمەسە تۇسىنىكسىز كورىنەدى. بەيبىتشىلىك — ارمەنيا مەن ازەربايجان ءۇشىن جاڭا ۇعىم مەن جاڭا ورتا", — دەدى پاشينيان.
سونىمەن قاتار، ول قاراباققا ارميانداردىڭ قايتا ورالۋ ماسەلەسىن قاۋىپتى دەپ اتادى. ونىڭ ايتۋىنشا، مۇنداي باستاما قاقتىعىستىڭ باستاپقى جاعدايىنا قايتا اكەلۋى مۇمكىن.
"قاراباققا ورالۋ تاقىرىبى قاۋىپتى، ويتكەنى بۇل قاقتىعىستىڭ العاشقى پارامەترلەرىنە قايتا ورالۋ دەگەندى بىلدىرەدى", — دەپ اتاپ ءوتتى ارمەنيا پرەمەرى.
پاشينيان ءسوز سوڭىندا ەلدە تۇراقتىلىق پەن بەيبىت قاتار ءومىر ءسۇرۋ ساياساتىن جالعاستىرۋدىڭ ماڭىزىن اتاپ ءوتتى.
