قازاقستان مەن ازەربايجان اراسىنداعى تالشىقتى-وپتيكالىق بايلانىس جەلىسى 2026 جىلدىڭ سوڭىنا دەيىن پايدالانۋعا بەرىلەدى. بۇل تۋرالى باكۋدە وتكەن II ازەربايجان حالىقارالىق ينۆەستيتسيالىق فورۋمىندا سويلەگەن سوزىندە ازەربايجان پرەزيدەنتى يلحام اليەۆ مالىمدەدى، دەپ حابارلايدى «ادىرنا» ءتىلشىسى Report اگەنتتىگىنە سىلتەمە جاساپ.
«وسى جىلدىڭ سوڭىنا دەيىن ازەربايجان مەن قازاقستاندى كاسپي تەڭىزىنىڭ ءتۇبى ارقىلى جالعايتىن كابەلدى ىسكە قوسامىز. بۇل دا ءبىزدىڭ ارتىقشىلىقتارىمىزدىڭ ءبىرى»، – دەدى پرەزيدەنت.
كاسپي تەڭىزىنىڭ تۇبىمەن تارتىلاتىن ترانسكاسپي تالشىقتى-وپتيكالىق بايلانىس جەلىسى – «تسيفرلىق جىبەك جولى» جوباسىنىڭ ءبىر بولىگى. جوبا ەۋروپا مەن ازيا اراسىندا تسيفرلىق تەلەكوممۋنيكاتسيالىق ءدالىز قۇرۋدى كوزدەيدى.
سۋ استى تالشىقتى-وپتيكالىق بايلانىس جەلىسى اقتاۋ – سۋمعايىت باعىتى بويىنشا وتەدى. ونىڭ وتكىزۋ قابىلەتى سەكۋندىنا 400 تەرابيتكە دەيىن جەتەدى.
