Қырғызстанда өтіп жатқан VI Дүниежүзілік көшпенділер ойындарында қазақстандық шабандоздар Аламан бәйгеде жеңіске жетті, деп хабарлайды "Адырна".
25 шақырымдық жарыста үш жүлделі орынның барлығын Қазақстан құрамасының өкілдері иеленді.
Бас жүлде 21-нөмірмен жарысқа қатысқан шабандоз мінген «Айман» жүйрігіне бұйырды. Бірінші орын иегеріне 1,5 миллион сом көлемінде ақшалай сыйақы табысталды. Бұл шамамен 7,5 миллион теңгеге тең.
Екінші орын үшін 1 миллион сом, ал үшінші орынға 500 мың сом көлемінде жүлде қарастырылған.
Айта кетейік, Дүниежүзілік көшпенділер ойындарының үш күнінде Қазақстан құрамасы 34 медаль жеңіп алды. Оның 16-сы — алтын, 8-і — күміс, 10-ы — қола.
Новости по теме
