بۇگىن «قاراۋىلتوبە» اۋىلدىق وكرۋگىندەگى«دالا كۇنى – 2026» ءىس-شاراسىندا ى.جاقاەۆ اتىنداعى قازاق كۇرىش شارۋاشىلىعى عىلىمي-زەرتتەۋ ينستيتۋتىنىڭ ەگىس القابىنا العاشقى وراق سالۋ ءراسىمى ءوتتى.
وعان وبلىس اكىمى مۇرات ەرگەشباەۆ، اۋىل شارۋاشىلىعى ۆيتسە-ءمينيسترى ەرمەك كەنجەحانۇلى، سۋ رەسۋرستارى جانە يرريگاتسيا ۆيتسە-ءمينيسترى جاندوس ساليموۆ، ۇلتتىق اگرارلىق عىلىمي-ءبىلىم بەرۋ ورتالىعىنىڭ باسقارما توراعاسى باۋىرجان اسانوۆ، مينيسترلىك وكىلدەرى، ەلىمىزدىڭ جەتەكشى عىلىمي-زەرتتەۋ ينستيتۋتتارىنىڭ باسشىلارى، قالا جانە اۋدان اكىمدەرى، وبلىستىق باسقارمالار مەن دەپارتامەنتتەردىڭ باسشىلارى، سۋ شارۋاشىلىعى مەكەمەلەرى مەن شارۋا قوجالىقتارىنىڭ توراعالارى، قارجى ينستيتۋتتارىنىڭ وكىلدەرى قاتىستى.
ايماق باسشىسى ەڭبەككەرلەردى قۇتتىقتاپ، بيىلعى جاۋاپتى ناۋقانعا دايىندىق بارىسىندا اتقارىلعان جۇمىستارعا توقتالدى.
«سىر ەلى – ەجەلدەن ديقانشىلىق داستۇرىورنىققان بەرەكەلى ءوڭىر. اق كۇرىشىمەن اتى شىققان ايماق بۇگىندە ەلىمىزدىڭ ازىق-تۇلىك قاۋىپسىزدىگىنە ەلەۋلى ۇلەس قوسىپ كەلەدى.
مەملەكەت باسشىسى قاسىم-جومارت كەمەلۇلى جاھاندىق ازىق-تۇلىك نارىعىندا باسەكەگە قابىلەتتىلىكتى ارتتىرۋ ءۇشىن عىلىمدى دامىتۋدى، سونىڭ ىشىندە تۇقىم شارۋاشىلىعىن جانداندىرۋدى اتاپ وتكەن بولاتىن.
باستى مىندەت – ءداستۇرلى سالانىڭ الەۋەتىن زاماناۋي تەحنولوگيا، عىلىم جانە يننوۆاتسيامەن ساباقتاستىرىپ، سۋ رەسۋرستارىن ءتيىمدى پايدالانۋ ارقىلى مول ونىمگە قول جەتكىزۋ. بۇل رەتتە مەملەكەتتىك قولداۋ مەن عىلىم مۇمكىندىگىن شارۋالاردىڭ تاجىريبەسىمەن ۇشتاستىرۋ ماڭىزدى.بارشا ديقان قاۋىمىن كۇرىشكە وراق تۇسۋىمەنقۇتتىقتايمىن! ەڭبەكتەرىڭىز بەرەكەلى بولىپ، اق كۇرىشتەن مول ءونىم جينالسىن. سىر ءوڭىرىنىڭ ىرىسى ارتا بەرسىن!»، – دەدى مۇرات نالقوجاۇلى.
جيىندا اۋىل شارۋاشىلىعى، سۋ رەسۋرستارى جانە يرريگاتسيا ۆيتسە-مينيسترلەرى، ۇلتتىق اگرارلىق عىلىمي-ءبىلىم بەرۋ ورتالىعىنىڭباسقارما توراعاسى، وبلىستىق اۋىل شارۋاشىلىعى جانە جەر قاتىناستارى باسقارماسىنىڭ باسشىسى تالعات دۇيسەباەۆ، «ەر-ءالى» شارۋا قوجالىعىنىڭ توراعاسى ءالىبي بەكجانوۆ ءسوز سويلەپ، سالاداعى وزەكتى ماسەلەلەرگە قاتىستى ءوز پىكىرلەرىن ءبىلدىردى.
باسقوسۋدا الا جازداي اپتاپ ىستىقتا ماڭداي تەرىن توگىپ، ەل ىرىسىن ەسەلەگەن مارتەبەلى ەڭبەك ادامدارى ماراپات تورىنەن كورىندى. اتاپ ايتقاندا، بىرقاتار ازاماتقا «قىزىلوردا وبلىسىنىڭ دامۋىنا قوسقان ۇلەسى ءۇشىن» مەدالى، وبلىس اكىمىنىڭ العىس حاتى، اۋىل شارۋاشىلىعى مينيسترلىگىنىڭ «ەڭبەك ارداگەرى»، «اۋىل شارۋاشىلىعى سالاسىنىڭ ۇزدىگى» توسبەلگىلەرى جانە قۇرمەت گراموتاسى، سۋ رەسۋرستارى جانە يرريگاتسيا مينيسترلىگىنىڭ «سۋ شارۋاشىلىعى سالاسىنىڭ ۇزدىگى» توسبەلگىسى مەن «قۇرمەت گراموتاسى» تابىستالدى.
جيىندا اۋىل شارۋاشىلىعى تەحنيكالارىنىڭ كورمەسى ۇيىمداستىرىلىپ، قاتىسۋشىلار زاماناۋي تەحنيكالارمەن جانە ولاردىڭ مۇمكىندىكتەرىمەن تانىستى.
ى. جاقاەۆ اتىنداعى قازاق كۇرىش شارۋاشىلىعى عىلىمي-زەرتتەۋ ينستيتۋتى – كۇرىش سەلەكتسياسىمەن جانە تۇقىم شارۋاشىلىعىمەن اينالىساتىن بىرەگەي اگرارلىق ۇيىم. بيىل ينستيتۋتتىڭ ماتەريالدىق-تەحنيكالىق بازاسىن جاڭعىرتۋعا رەسپۋبليكالىق بيۋدجەتتەن 4,2 ملرد تەڭگە ءبولىنىپ، زاماناۋي سەلەكتسيالىق تەحنيكالار مەن تۇقىم زاۋىتتارى الىندى. بۇل تۇقىم شارۋاشىلىعىنىڭ دامۋىنا، ونىڭ ىشىندە وتاندىق كۇرىش سورتتارىنىڭ ساپاسى مەن ەگىس كولەمىنىڭ ارتۋىنا وڭ اسەرىن تيگىزەرى ءسوزسىز.
قابىلدانعان جۇيەلى شارالاردىڭ ناتيجەسىندە ۆەگەتاتسيالىق كەزەڭ تۇراقتى ءوتىپ، ەگىس القاپتارى جوسپارعا سايكەس سۋمەن قامتاماسىز ەتىلدى.
ودان بولەك، سۋ ۇنەمدەۋ تەحنولوگيالارىن قولداۋعا 2026-2028 جىلدارعا 34 ملرد. تەڭگەدەن استام قارجى ءبولىندى.
مەملەكەت باسشىسىنىڭ سۋدى كوپ قاجەت ەتەتىن داقىلدار كولەمىن وڭتايلاندىرۋ تاپسىرماسىنا سايكەس، بيىل كۇرىش القابى قىسقارتىلىپ، 70 مىڭ گەكتارعا ەگىلدى. سۋ ۇنەمدەۋ تەحنولوگيالارىن ەنگىزۋ جانە ءارتاراپتاندىرۋ باعىتىندا ءىرى ينۆەستيتسيالىق جوبالار قولعا الىندى.
