اۋىل اماناتى: ۇلىتاۋ وبلىسىندا بيىل 700 ميلليون تەڭگەگە 100 جوبا قارجىلاندىرىلدى

ۇلىتاۋ وبلىسى قۇرىلعالى بەرى اۋىل شارۋاشىلىعى سالاسىنا 8,5 ملرد تەڭگە ينۆەستيتسيا تارتىلعان. ال بيىلدىڭ وزىندە قۇيىلعان ينۆەستيتسيا كولەمى - 2,5 ملرد. تەڭگە.
جالپى وسى جىلى ۇلىتاۋ اۋدانىندا 400 گەكتار القاپتا سۋارمالى داقىلدار مەن كوكونىس ءوسىرۋ، جەزقازعان قالاسىندا 5 000 باستان اساتىن قوي شارۋاشىلىعى فەرماسىنىڭ قۇرىلۋى، جەزقازعان قالاسىندا 500 گەكتار اۋماقتا سۋارۋ جابدىقتارىن قولدانا وتىرىپ، مال ازىعىن ەگۋ جوباسى، ⁠جاڭاارقا اۋدانىندا 367 گەكتار اۋماقتا سۋارۋ قۇرىلعىلارىن قولدانا وتىرىپ، مال ازىعىن ەگۋ بويىنشا 2 جوبا، جاڭاارقا اۋدانىندا 12 900 باسقا ارنالعان قوي وتباسىلىق فەرماسىن سالۋ، جاڭاارقا اۋدانىندا 7 800 باسقا ارنالعان ءىرى قارا مال وتباسىلىق فەرماسىن قۇرۋ جوبالارى باستاۋ الدى.
قازىرگى تاڭدا، وبلىس الەۋمەتتىك ازىق-تۇلىك تاۋارلارىنىڭ
4 ءتۇرى بويىنشا، اتاپ ايتار بولساق، سيىر ەتى، ءبىرىنشى سورتتى بيداي ۇنى جانە ءبىرىنشى سورتتى ۇننان جاسالعان بيداي نانىمەن ءوزىن-ءوزى قامتاماسىز ەتىپ وتىر. سونىمەن قاتار، ينۆەستيتسيالىق جوبالاردىڭ ىسكە اسىرىلۋ ناتيجەسىندە تاۋىق جۇمىرتقاسىمەن قامتاماسىز ەتۋ 0-دەن 40%-عا جەتىپ وتىر.  
ال كەلەسى جىلى قوسىمشا تاۋىق ەتى جانە كارتوپپەن ءىشىنارا قامتاماسىز ەتۋ جوسپارلانۋدا. 
2022 جىلى وبلىس اۋماعىندا سۋارمالى قۇرىلعىلاردى قولداناتىن ەگىستىك القاپتار بولمادى، بۇگىنگى كۇنى بۇل كورسەتكىش 1,7 مىڭ گەكتارعا جەتتى، 2026 جىلى 2,5 مىڭ گەكتارعا دەيىن جەتكىزۋ جوسپارى تۇر.
ايتا كەتەيىك، بىلتىر جەزقازعان قالاسىندا جۇمىرتقا باعىتىنداعى قۇس فابريكاسى جانە جاڭاارقا اۋدانىندا مال شارۋاشىلىعى كەشەنى مەن مال سويۋ تسەحى ىسكە قوسىلعان بولاتىن.