وسكەمەندەگى دۇكەندەردىڭ بىرىندە «Z» جانە «V» بەلگىلەرى بار فۋتبولكالار ەمىن-ەركىن ساتىلىپ جاتىر. بۇل تۋرالى بەلسەندى سىرىم يتقۇلوۆ Telegram كانالىندا جازدى, دەپ حابارلايدى «ادىرنا» ءتىلشىسى.
«الماتىدا تەرەزەسىندە وسىنداي بەلگىلەرى بار جۇرگىزۋشىلەردى ۇستاپ جاتسا، وسكەمەندەگى دۇكەندەردىڭ بىرىندە مىناداي كيىمدەر ساتىلىپ جاتقانى تۋرالى فوتولار كەلدى. ايتارعا ءسوزىم جوق.
بۇل بىرەۋدىڭ ساياسي كوزقاراسىن بىلدىرەتىن جاي عانا ارىپتەر ەمەس، بۇل – سوعىستىڭ جانە وزگە ءبىر ەلگە باسىپ كىرۋدىڭ بەلگىسى. وسى ءۇشىن جاۋاپكەرشىلىك قاراستىرىلۋى كەرەك.
رەسەيدىڭ وزىندە بۇل بەلگىلەردەن باس تارتىپ جاتقانى ءۇشىن قاماۋعا الىپ جاتىر. ال دەپۋتاتتار بالاسى VPN قولدانعانى ءۇشىن اتا-انالاردى تۇرمەگە قامايتىنىن ايتىپ قورقىتادى»، - دەپ جازدى بەلسەندى.
ايتا كەتەيىك، ۋكراينادا سوعىسىپ جاتقان رەسەي قارۋلى كۇشتەرى وزدەرىنىڭ سيمۆولى رەتىندە «Z» جانە «V» بەلگىلەرىن قاراستىرادى.
“ادىرنا” ۇلتتىق پورتالى
