الماتىدا كوكجايلاۋ شاتقالىندا تاۋ شاڭعىسى كۋرورتىن سالۋعا قارسى شىققان بەلسەندى ارۋنا ورتاەۆا قاماۋعا الىندى. بۇل تۋرالى ادام قۇقىقتارى مەن زاڭدىلىقتى ساقتاۋ جونىندەگى قازاقستان حالىقارالىق بيۋروسى جازدى، دەپ حابارلايدى «ادىرنا» ءتىلشىسى.
بيۋرو مالىمەتىنشە، بەلسەندى Instagram جەلىسىندە قۇرىلىس اۋماعىندا كەسۋگە جوسپارلانعان قىزىل كىتاپقا ەنگەن وسىمدىكتەردىڭ ماسەلەسى تالقىلانعان اكىمدىكتەگى جينالىستان اۋديوجازبا جاريالاعان.
سەنبى كۇنى ءتىنتۋ جۇرگىزىلگەننەن كەيىن ورتاەۆا پوليتسيا دەپارتامەنتىنە جەتكىزىلگەن. وعان قىلمىستىق كودەكستىڭ 148-بابى («حات جازىسۋ، تەلەفون ارقىلى سويلەسۋ، پوشتا، تەلەگراف جانە وزگە دە حابارلامالار قۇپياسىن زاڭسىز بۇزۋ») بويىنشا قورعاۋعا قۇقىعى بار كۋاگەر مارتەبەسى بەرىلىپ، 15 تاۋلىككە قاماۋعا الىنعان. بۇل باپ بويىنشا 2000 اەك (8 ملن 650 مىڭ تەڭگە) مولشەرىندە ايىپپۇلدان باستاپ، بەس جىلعا دەيىن باس بوستاندىعىنان ايىرۋ جازاسى قاراستىرىلعان.
ورتاەۆا جاريالاعان اۋديوجازبالاردا اكىمدىك قىزمەتكەرلەرىنە ۇقساس ادامدار قىزىل كىتاپقا ەنگەن سيۆەرس المالارىن قالاي شابۋ كەرەكتىگىن، سونداي-اق قوعامدىق تىڭداۋلاردى قالاي دۇرىس وتكىزۋدى تالقىلاعان.
قىلمىستىق ءىس «كورىنەۋ جالعان اقپارات تاراتۋ» بابى بويىنشا قوزعالماعان. سوندىقتان جازبادا ايتىلعان اڭگىمە شىن مانىندە بولعان بولۋى ىقتيمال.
