Almatyda Kökjailau şatqalynda tau şaŋǧysy kurortyn saluǧa qarsy şyqqan belsendı Aruna Ortaeva qamauǧa alyndy. Būl turaly Adam qūqyqtary men zaŋdylyqty saqtau jönındegı Qazaqstan halyqaralyq biurosy jazdy, dep habarlaidy «Adyrna» tılşısı.
Biuro mälımetınşe, belsendı Instagram jelısınde qūrylys aumaǧynda kesuge josparlanǧan Qyzyl kıtapqa engen ösımdıkterdıŋ mäselesı talqylanǧan äkımdıktegı jinalystan audiojazba jariialaǧan.
Senbı künı tıntu jürgızılgennen keiın Ortaeva polisiia departamentıne jetkızılgen. Oǧan Qylmystyq kodekstıŋ 148-baby («Hat jazysu, telefon arqyly söilesu, poşta, telegraf jäne özge de habarlamalar qūpiiasyn zaŋsyz būzu») boiynşa qorǧauǧa qūqyǧy bar kuäger märtebesı berılıp, 15 täulıkke qamauǧa alynǧan. Būl bap boiynşa 2000 AEK (8 mln 650 myŋ teŋge) mölşerınde aiyppūldan bastap, bes jylǧa deiın bas bostandyǧynan aiyru jazasy qarastyrylǧan.
Ortaeva jariialaǧan audiojazbalarda äkımdık qyzmetkerlerıne ūqsas adamdar Qyzyl kıtapqa engen Sivers almalaryn qalai şabu kerektıgın, sondai-aq qoǧamdyq tyŋdaulardy qalai dūrys ötkızudı talqylaǧan.
Qylmystyq ıs «körıneu jalǧan aqparat taratu» baby boiynşa qozǧalmaǧan. Sondyqtan jazbada aitylǧan äŋgıme şyn mänınde bolǧan boluy yqtimal.
