ءۇندىستاندا وتكەن 2025 جىلعى الەم كۋبوگىنىڭ فينالىندا وزبەكستاندىق جاس گروسسمەيستەر جاۆوحير سينداروۆ تۋرنير تاريحىنداعى ەڭ جاس چەمپيون اتاندى. ول فينالدا قىتاي شاحماتشىسى ۆەي ءيدى جەڭدى، دەپ حابارلايدى "ادىرنا".
فينالدىڭ العاشقى كلاسسيكالىق پارتياسى تەڭ ناتيجەمەن اياقتالعان. الايدا شەشۋشى ەكىنشى پارتيادا سينداروۆ قارا تاستارمەن ويناپ، قارسىلاسىن سەنىمدى تۇردە ۇتتى. ەكى فيناليست تە 2026 جىلعى ۇمىتكەرلەر تۋرنيرىنە جولداما الىپ وتىر.
سينداروۆتىڭ جەڭىسى تۋرنير تاريحىندا رەكورد جاڭارتتى. بۇعان دەيىنگى ەڭ جاس چەمپيون 23 جاستا جەڭىسكە جەتكەن لەۆون ارونيان بولعان. جاڭا چەمپيون 120 مىڭ دوللار كولەمىندەگى جۇلدە يەلەنەدى.
ءتۋرنيردىڭ ءۇشىنشى ورنى ءۇشىن ماتچتا رەسەيلىك اندرەي ەسيپەنكو وزبەكستاندىق نوديربەك ياكۋببوەۆتى جەڭىپ، ۇمىتكەرلەر تۋرنيرىنە ءۇشىنشى جولدامانى العان ەدى.
جاۆوحير سينداروۆ بۇعان دەيىن دە ءوزىن الەمدىك دەڭگەيدە تانىتقان سپورتشى. 2022 جىلى وزبەكستان قۇراماسى ساپىندا دۇنيەجۇزىلىك شاحمات وليمپياداسىندا توپ جارعان.
ايتا كەتەيىك، 2025 جىلعى الەم كۋبوگى - فيدە ۇيىمداستىراتىن ەكى جىلدا ءبىر وتەتىن ءىرى شاحمات ءتۋرنيرى. بيىلعى جارىستىڭ جۇلدە قورى 2 ميلليون دوللاردى قۇراپ، 2026 جىلعى ۇمىتكەرلەر تۋرنيرىنە ءۇش جولداما ۇلەستىرىلدى.
