قازاقستاندىق دزيۋدوشى ابىلايحان جۇبانازار لوزاننادا وتكەن Grand Slam تۋرنيرىندە التىن مەدال جەڭىپ الدى. بۇل تۋرالى ۇلتتىق وليمپيادا كوميتەتىنىڭ ءباسپاسوز قىزمەتى جازدى، دەپ حابارلايدى "ادىرنا".
اقپاراتقا سايكەس، سپورتشى 81 كەلىگە دەيىنگى سالماق دارەجەسىندە سىنعا ءتۇسىپ، فينالعا دەيىن سەنىمدى جەتتى. جارتىلاي فينالدا جۇبانازار بىرىككەن اراب امىرلىكتەرىنىڭ وكىلى گەورگي ەلباكيەۆتى جەڭىپ، ءتۋرنيردىڭ باس جۇلدەسىنە تالاسۋعا مۇمكىندىك الدى.
فينالدا قازاقستاندىق دزيۋدوشى وزبەكستان وكىلى ارسلونبەك توجيەۆپەن كەزدەسىپ، قارسىلاسىنان باسىم ءتۇستى. وسىلايشا، ابىلايحان جۇبانازار لوزانناداعى Grand Slam ءتۋرنيرىنىڭ جەڭىمپازى اتانىپ، تۇعىردىڭ ەڭ بيىك ساتىسىنا كوتەرىلدى.
بۇل – قازاقستاندىق سپورتشىنىڭ Grand Slam سەرياسىنداعى العاشقى التىن مەدالى. بۇعان دەيىن بيىل ول پاريجدەگى Grand Slam تۋرنيرىندە جانە ازيا چەمپيوناتىندا قولا جۇلدەگە يە بولعان.
