اقش پرەزيدەنتى دونالد ترامپ اتلانت نەمەسە تىنىق مۇحيتىنىڭ اتاۋىن وزگەرۋى مۇمكىن ەكەنىن ايتتى، دەپ حابارلايدى "ادىرنا" ءتىلشىسى.
بۇل تۋرالى ول اق ۇيدەگى جۋرناليستەرمەن اڭگىمەسىندە ايتتى. ترامپ بۇعان دەيىن مەكسيكا شىعاناعىن «امەريكا شىعاناعى» دەپ اتاۋدى ۇسىنعان. 2026 جىلعى تامىزدا ول ونتاريو كولىن «امەريكا كولى» دەپ قايتا اتاۋ تۋرالى جارلىققا قول قويدى.
«بىزدە شىعاناق بار، كول دە بار. ەندى بىزگە مۇحيت كەرەك. سوندىقتان اتلانت جانە/نەمەسە تىنىق مۇحيتىنىڭ اتاۋىن وزگەرتۋگە تۋرا كەلۋى مۇمكىن»، – دەدى ترامپ.
اقش پرەزيدەنتىنىڭ بۇل مالىمدەمەسى ازىرگە ناقتى قايتا اتاۋ تۋرالى شەشىم ەمەس. سونىمەن قاتار مۇنداي اتاۋلاردىڭ حالىقارالىق دەڭگەيدە مويىندالۋى جەكە ماسەلە بولىپ قالا بەرەدى.
ۇقساس جاڭالىقتار
